Illu illalu pillalu: ధీరజ్ కి గన్ గురిపెట్టిన సేనాపతి.. అడ్డుగా నిలబడ్డ ప్రేమ!
on Jan 14, 2025
స్టార్ మా టీవీలో ప్రసారమవుతున్న సీరియల్ ఇల్లు ఇల్లాలు పిల్లలు (illu illalu pillalu). ఈ సీరియల్ సోమవారం నాటి ఎపిసోడ్-54లో.. ప్రేమని దగ్గరకు తీసుకున్న నర్మద.. ఒక గండం గట్టెక్కింది ఇప్పుడు ఇంకో గండం ఉంది. ఇప్పుడు ప్రేమని తీసుకుని ఇంటికి వెళ్తే పరిస్థితి ఏంటి? అంటుంది. ఆ మాటతో వేదవతి.. ‘మా వాళ్లకి పంతమే ముఖ్యం నాలాగే దీన్ని కూడా ఇంట్లోకి రానివ్వరు’ అని అంటుంది. వాళ్ల సంగతిసరే.. మరి మామయ్య గారు ఏమంటారు? ఆయన ఎలా రియాక్ట్ అవుతారో’ అని అడుగుతుంది నర్మద. వీళ్ల పెళ్లి చేసినందుకు ఆయనకి నాపై చాలా కోపం వస్తుంది.. నా మొహం కూడా చూడరు నాతో మాట్లాడరు’ అని ఏడుస్తుంటుంది వేదవతి. అది కాదు అత్తయ్యా.. ప్రేమని కళ్యాణ్ అనేవాడు మోసం చేశాడు.. అందుకే ధీరజ్తో పెళ్లి చేయాల్సి వచ్చిందని చెప్తే.. అర్థం చేసుకుంటారు కదా అని అంటుంది నర్మద. దాంతో వేదవతి.. ‘లేదు.. లేదు... ప్రేమ ఒకడ్ని నమ్మి వచ్చి మోసపోయిందని అందరికీ తెలిస్తే.. ఆ అవమానాన్ని ప్రేమ తట్టుకోలేదు. కాబట్టి.. ప్రేమ.. బావని ప్రేమించింది. పెద్దవాళ్లు ఒప్పుకోరు కాబట్టి ఎవరికీ తెలియకుండా పెళ్లి చేసుకుందని చెప్తే.. దాని వల్ల ఎవరికీ బాధ ఉండదు. మా ఆయన నాపై కోపం చూపించినా.. నా మేనకోడలి గురించి నేను భరిస్తాను’ అని అంటుంది. ఆ మాటతో ధీరజ్.. వద్దమ్మా నాన్న దృష్టిలో నువ్వు నమ్మకాన్ని పోగొట్టుకోవద్దు’ అని అంటాడు.
అదేంట్రా అలా అంటున్నావ్ వేదవతి అంటే.. ‘అవునమ్మా.. ఈ పాతికేళ్లలో మీ ఇద్దరి మధ్య చిన్న మాట పట్టింపుకూడా రాలేదు. ఏ కుటుంబం అయితే నాన్నని అవమానిస్తూ వస్తున్నారో.. ఆ కుటుంబానికి చెందిన అమ్మాయితో నువ్వు పెళ్లిచేశావ్ అంటే నాన్న తట్టుకోలేరమ్మా.. ఆబాధని భరిస్తూ బతకలేరు. నీతో మాట్లాడకుండా నీపై కోపం చూపించడం అంటే.. నాన్నకి అంతకంటే నరకం ఉండదు. దయచేసి నాన్నకి ఆ నరకం ఇవ్వొద్దమ్మా’ అని అంటాడు ధీరజ్. మరి ఈ సమస్యకి పరిష్కారం ఏంట్రా.. ఈ బాధ్యతని ఎవరు తీసుకుంటారు మరి అని అడుగుతుంది వేదవతి. ఆ బాధ్యత నేను తీసుకుంటానమ్మా.. ఆ నిందని నేను భరిస్తా.. నా ఇష్ట ప్రకారం పెళ్లి చేసుకున్నానని నాన్నకి నేను చెప్తాను అని అంటాడు ధీరజ్. ‘రేయ్ వద్దురా.. ఇప్పటికే నీపై మీ నాన్నకి కోపం ఉంది.. ఆకోపం ఇప్పుడు ద్వేషంగా మారుతుంది అని అంటుంది వేదవతి. పర్లేదమ్మా.. నాన్న కోపం నాకు కష్టం కాదు.. ద్వేషాన్ని భరిస్తాను. కానీ.. నాన్న నీతో మాట్లాడకపోతే ఇటు నువ్వే కాదు.. నాన్నకి కూడా నరకమే.. నాన్న నువ్వు ఎప్పటివరకూ ఎలా ఉన్నారో.. ఇకపై కూడా అలాగే ఉండాలి.. అందరికీ ఆదర్శంగా నిలవాలి’ అని అంటాడు ధీరజ్. ఈ అమ్మ మాటకోసం దాని మెడలో తాళి కట్టావ్.. మీ అమ్మ బాధపడకూడదని.. ఆ నిందని నువ్వు భరిస్తానని అంటున్నావ్.. నువ్వు నిజంగా గొప్ప కొడుకువిరా.. నువ్వు నా కడుపున పుట్టడం నా అదృష్టం’ అని కొడుకుని దగ్గరకు తీసుకుని కన్నీళ్లు పెట్టుకుంటుంది. ఇక భద్రవతి.. ప్రేమని తీసుకుని వెళ్లిన వాడు ఎవడో దొరికాడా?? వాడు ఎక్కడున్నా చావు భయం కనిపించాలి. వాడ్ని మన ఇంటి ముందే వాడ్ని ముక్కలు ముక్కలుగా నరకాలి’ అని అంటుంది. అవును అత్తా.. వాడి చావు మామూలుగా ఉండదు’ అని అంటాడు విశ్వ. పాతికేళ్ల క్రితం ఆ రామరాజుగాడు వేదవతిని ఎత్తుకెళ్లినప్పుడే వాడ్ని చంపాలని అనుకున్నాను. కానీ ఆరోజు వేదవతి అడ్డుపడటం వల్ల ఆ రామరాజు బతికిపోయాడు.ఇప్పుడు ఆ ప్రేమ అడ్డుపడినా.. చివరికి ఆ దేవుడే అడ్డుపడినా వాడ్ని బతకనిచ్చేది లేదు అని అంటుంది భద్రవతి. ఇంతలో వేదవతి, నర్మదలు వస్తారు. వాళ్లు వచ్చేసరికి.. వీధి బయట భద్రవతి, సేనాపతిలు బాధపడుతూ ఉంటారు. ఇక రామరాజు.. ‘పిల్లలపై ఎంత ఎక్కువ ప్రేమను పెంచుకుంటే అత ఎక్కువ బాధపడాల్సి వస్తుంది’ అని అంటాడు. ఇంతకీ చిన్నోడు ఎక్కడున్నాడు? అని అడుగుతాడు రామరాజు. ఆ మాట అనగానే.. వేదవతి కంగారు పడుతుంది. ఇక నర్మద కూడా కంగారు పడటం చూసి.. ‘వాడు ఏమయ్యాడు? వాడి గురించి అడుగుతుంటే మీరెందుకు కంగారు పడుతున్నారు? అని అడుగుతాడు రామరాజు. కాలేజ్కి వెళ్లాడు మామయ్యా... అని కవర్ చేస్తుంది నర్మద. దాంతో రామరాజు.. ‘వాడికి చెప్పింది ఏంటి చేస్తున్నది ఏంటి? మీతో పాటు వెళ్లి జాగ్రత్తగా ఇంటికి తీసుకుని రమ్మని చెప్పాను. కానీ వాడేం చేశాడో చూశాం కదా.. వాడు ఇక మారడు.. కుక్కతోక వంకరే.. వాడు జన్మలో మారడు. బాధ్యత లేని వాడ్ని తోడుగా పంపిస్తే ఇలాగే ఉంటుంది. వాడ్ని నమ్మినందుకు నా చెప్పుతో నేను కొట్టుకోవాలి.. ఛ ఛ అని ధీరజ్ని తిట్టి కోపంగా వెళ్లిపోతాడు రామరాజు. ఇక నర్మద.. ధీరజ్కి ఫోన్ చేసి ఇంటికి రమ్మని చెప్తుంది. ఇక ధీరజ్.. ప్రేమతోమాట్లాడకుండానే కారు హారన్ కొట్టి.. వెళ్దాం పదా అని ఇండికేషన్ ఇస్తాడు. ఇంతవరకూ వచ్చినా ఒకరితో ఒకరు మాట్లాడుకోరు. ఇక విశ్వ.. ‘వాడు దొరికాడా.. మా చెల్లెల్ని తీసుకుని వెళ్లిన వాడి చావు మేం కళ్లారా చూడాలి’ అని ఫోన్లో మాట్లాడుతూ ఉంటాడు. ఎదురింట్లో వేదవతి, నర్మదలు.. ధీరజ్, ప్రేమల కోసం ఎదురుచూస్తూ కంగారు పడుతుంటారు. ఇక రామరాజు బయటకు వెళ్తుండగా.. సరిగ్గా అప్పుడే ధీరజ్ ప్రేమలు వస్తారు. శారదాంబ.. ప్రేమను చూసి ‘మన ప్రేమ ఇంటికి వచ్చేసింది భద్రవతి’ అని అంటుంది. ఈ ఇంటి వాళ్లు ఈ ఇంటి వాళ్లూ అంతా ఆశ్చర్యంగా చూస్తుంటారు. భద్రవతి, సేనాపతిలు పరుగుపరుగున ప్రేమ దగ్గరకు వస్తారు. ప్రేమ మెడలో తాళని చూస్తారు. ఇక రేపటి ఎపిసోడ్లో ధీరజ్కి గన్ గురి పెడుతున్నాడు సేనాపతి. దాంతో ప్రేమ.. అడ్డుగా నిలబడి.. ధీరజ్పై ఇష్టంతోనే వెళ్లి పెళ్లి చేసుకున్నాను అని చెప్తుంది. ఇక రేపటి ఎపిసోడ్లో ధీరజ్ చెంప చెల్లుమనిపించాడు రామరాజు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
