బిగ్ బాస్ తెలుగు సీజన్-10 లో 11వ వారం వీకెండ్లో బిగ్ షాకింగ్ ట్విస్ట్ చోటుచేసుకుంది. ఈ వారం నరేష్ మినహా హౌస్లో ఉన్న వాళ్లంతా నామినేషన్లోకి వచ్చారు. అప్పటికే హౌస్లో టెన్షన్ పెంచేసింది. త్రిగుణ్, ముఖేష్, దేబ్జానీ, అమన్, రామకృష్ణ, వర్షిణి, రామ్ ప్రసాద్, వంశీ, సుధీర్, శివ, నీతూ మాస్టర్.. ఇలా 11 మంది నామినేషన్లో ఉన్నారు. త్రిగుణ్, ముఖేష్, దేబ్జానీ, అమన్, వర్షిణి టాప్ ఓటింగ్లో దూసుకుపోగా.. రామ్ ప్రసాద్, వంశీ, సుధీర్, రామకృష్ణ, శివ, నీతూ మాస్టర్ డేంజర్ జోన్లోకి వెళ్లిపోయారు. చివరికి లీస్ట్ ఓట్లు వచ్చిన నీతూ మాస్టర్నే నాగార్జున హౌస్ నుంచి బయటకు పంపించేశాడు. బిగ్ బాస్ లీక్స్ ప్రకారం నీతూ మాస్టర్ 11వ వారంలోనే ఎలిమినేట్ అయినట్టు కన్ఫమ్ అయ్యింది.
వైల్డ్ కార్డ్గా 35వ రోజు హౌస్లోకి అడుగుపెట్టిన నీతూ మాస్టర్.. 11వ వారం వరకు ఆడి తనదైన ఫైర్ బ్రాండ్ స్టైల్తో హౌస్ని షేక్ చేసింది. నటరాజ్ మాస్టర్ భార్యగా, కొరియోగ్రాఫర్గా పేరున్న నీతూ.. త్రిగుణ్, వంశీలతో నువ్వా నేనా అంటూ గొడవలకు దిగింది. డిక్టేటర్ టాస్క్లో ముఖేష్ టీమ్లో ఉంటూ తన పాయింట్ని గట్టిగా చెప్పింది. ఫ్యామిలీ వీక్లో భర్త నటరాజ్, కూతురు రావడంతో ఎమోషనల్ అయ్యింది. ఆయన ఇచ్చిన ధైర్యంతో ఫినాలే వరకు వెళ్తానని చెప్పిన నీతూ.. ఆ మాట నిలబెట్టుకోలేకపోయింది.
అయితే నీతూ జర్నీలో కొన్ని పొరపాట్లే ఆమెకు శాపంగా మారాయని అంటున్నారు. గొడవల్లో మాట జారడం, టీమ్ గేమ్ కంటే పర్సనల్ గొడవలకే ఎక్కువ ప్రయారిటీ ఇవ్వడం ఆమె ఓటింగ్ను దెబ్బతీసింది. ముఖ్యంగా చివరి వారాల్లో శివతో, వర్షిణితో జరిగిన గొడవలు ఆమె ఇమేజ్ను నెగెటివ్ చేశాయి. అదే సమయంలో శివ, రామకృష్ణ, సుధీర్లకు కూడా లీస్ట్ ఓట్లు వచ్చినా.. చివరికి నీతూనే బాటమ్లో నిలిచిపోయింది. దీంతో వైల్డ్ కార్డ్లలో ఇప్పటికే దక్ష, శ్వేత ఎలిమినేట్ కాగా.. ఇప్పుడు నీతూ కూడా ఆ లిస్ట్లో చేరిపోయింది. నీతూ ఎలిమినేషన్తో హౌస్లో ఇప్పుడు వైల్డ్ కార్డ్లలో శివ, రామకృష్ణ మాత్రమే మిగిలారు. ఈ వారం సింగిల్ ఎలిమినేషనా? డబుల్ ఎలిమినేషనా? అనే దానిపైనా ఇంకా క్లారిటీ రావాల్సి ఉంది. అది తెలియాలంటే ఈ రోజు ఎపిసోడ్ పూర్తయ్యేవరకు ఆగాల్సిందే.
[Bigg Boss 10 Telugu Neethu Master Eliminated Week 11, Neethu Nataraj Evicted Wildcard Day 35, Bigg Boss Telugu 10 Week 11 Elimination Voting, Neethu Master Least Votes Elimination, Bigg Boss 10 Telugu Double Elimination Update]




