కోలీవుడ్ స్టార్ హీరో అజిత్ కుమార్ ద్విపాత్రాభినయంలో, ప్రముఖ నటి సిమ్రాన్ కథానాయికగా నటించిన రొమాంటిక్ సైకలాజికల్ థ్రిల్లర్ 'వాలి'. ఈ సినిమాలోని ఒక అత్యంత నాటకీయమైన, ఉత్కంఠభరితమైన సన్నివేశం ప్రేక్షకులను ఇప్పటికీ ఎంతగానో ఆకట్టుకుంటుంది. ఒకే పోలికలతో ఉన్న కవల సోదరుల మధ్య ఒక ఆడది ఎలా నలిగిపోయింది, భర్త రూపంలో ఉన్న బావ వక్రబుద్ధిని ఆమె ఎలా పసిగట్టిందనేది ఈ కథలోని అసలు సారాంశం.
కథలోకి వెళ్తే.. శివ, అతని అన్నయ్య దేవా ఇద్దరూ కవలలు. వారిద్దరూ ఒకే రూపం, ఒకే పోలికలతో ఉంటారు. అయితే దేవుడు వారిద్దరి రూపాలను ఒకేలా సృష్టించినా.. దేవాను మాత్రం మూగ, చెవుడు (డెఫ్ అండ్ డమ్) గల వాడిగా పుట్టించాడు. శివ ఎంతో మంచివాడు, బాధ్యతగల భర్త. శివ, ప్రియ (సిమ్రాన్) ప్రేమించి పెళ్లి చేసుకుంటారు. పెళ్లయిన కొత్తలో ఒకరోజు సాయంత్రం 6 గంటలకు ఆఫీస్ నుండి త్వరగా ఇంటికి వస్తానని, ఆ రాత్రి తమ ఫస్ట్ నైట్ అని శివ భార్య ప్రియకు ప్రామిస్ చేసి ఆఫీస్కు బయలుదేరుతాడు.
అయితే ఆఫీస్ నుండి తిరిగి వస్తున్న సమయంలో శివ ప్రయాణిస్తున్న కార్ బ్రేక్ ఫెయిల్ అవుతుంది. తృటిలో ప్రాణాపాయం నుండి తప్పించుకున్న శివ, ప్లాట్ఫామ్ను గుద్ది కార్ ఆపేసి భార్యకు ఫోన్ చేసి ధైర్యం చెబుతాడు. భర్తకు యాక్సిడెంట్ అయిందనే భయంతో వణికిపోతున్న ప్రియ, కార్ దిగి ఆత్రుతగా ఇంటి లోపలికి వస్తున్న భర్తను చూసి ఒక్కసారిగా పరుగెత్తుకెళ్లి గట్టిగా కౌగిలించుకుంటుంది. కన్నీళ్లు కారుస్తూ, ఎంతో ఆవేదనతో ముద్దులు కురిపిస్తుంది. కానీ, కొద్దిసేపటి తర్వాత అసలు భర్త శివ వేరే కార్ లో ఇంటికి రావడంతో ప్రియ ఒక్కసారిగా షాక్కు గురవుతుంది. తను ఇంతసేపు హత్తుకుంది తన భర్త శివను కాదు, శివ రూపంలో ఉన్న అతని మూగ అన్నయ్యను అని తెలిసి ప్రియ గుండె పగిలిపోతుంది.
ఈ భయంకరమైన నిజాన్ని ప్రియ తన భర్త శివకు వివరిస్తూ కన్నీరు మున్నీరవుతుంది. "నేను నీవనుకుని మీ అన్నయ్యను వాటేసుకున్నాను, ముద్దులు కూడా పెట్టుకున్నాను, కానీ అతను నన్ను అవతలికి నెట్టకుండా, తప్పుకోకుండా ఒక దృష్టిబొమ్మలా నిలబడి ఆ స్పర్శను ఎంజాయ్ చేశాడు" అని కంప్లైంట్ చేస్తుంది. కానీ అమాయకుడైన శివ తన అన్నయ్యను వెనకేసుకొస్తూ, "జరిగిన సంఘటన ఒకటే అయినా అర్థం చేసుకునే మనసును బట్టి ఉంటుంది, మా అన్నయ్యను తప్పుగా అనుకోవద్దు" అని భార్యను సర్దిచెప్పడానికి ప్రయత్నిస్తాడు.
అప్పుడు ప్రియ తీవ్రమైన ఆవేదనతో, "ఒక ఆడదాని కడుపులో కలిసి పడుకోవచ్చు కానీ, ఒక ఆడదాని పక్కలో కలిసి పడుకోకూడదు" అంటూ భర్తపై కోప్పడుతుంది. మీ అన్నయ్య కేవలం మూగవాడు మాత్రమే కాదు, నాపై వక్రబుద్ధి పెంచుకున్న కామాంధుడని, ఒకవేళ దేవుడు అతనికి మూగ, చెవుడు అనే డిఫరెన్స్ ఇవ్వకపోతే నిన్ను హత్య చేసి, తనే శివనంటూ నన్ను ఎప్పుడో అనుభవించేవాడని భయంకరమైన నిజాన్ని బయటపెడుతుంది. రూపం ఒకటైనా క్యారెక్టర్లు వేరని, తనను దక్కించుకోవడానికి బావ వేస్తున్న ప్లాన్లను భర్తకు వివరిస్తూ ఆవేదన చెందుతున్న ఈ సన్నివేశం సినిమాలో అత్యంత భావోద్వేగభరితంగా సాగుతుంది.
Vaali Movie, Romantic Scenes, Emotional Scenes, Ajith, Simran
