రియల్ స్టార్ శ్రీహరి కథానాయకుడిగా నటించిన సుప్రసిద్ధ యాక్షన్ మూవీ ‘భద్రాచలం’ టాలీవుడ్ తెరపై ఒక చెరగని ముద్ర వేసింది. గ్రామీణ నేపథ్యం నుంచి వచ్చిన ఒక సామాన్య యువకుడు తన పట్టుదల, క్రమశిక్షణ, గురుభక్తితో అంతర్జాతీయ స్థాయిలో టైక్వాండో పోటీలలో విజయం సాధించే ప్రయాణం ప్రేక్షకులను ఎంతగానో ఆకట్టుకుంది. ఈ చిత్రంలోని ప్రతి సన్నివేశం ఎమోషన్ మరియు మాస్ యాక్షన్ ఎలిమెంట్స్తో నిండి ఉంటుంది. ముఖ్యంగా కథలో పతాక సన్నివేశాలకు ముందు వచ్చే ఘట్టాలు, విలన్ల కుట్రలు, గురువు ఇచ్చే ఆత్మస్థైర్యం శ్రీహరి నటనకు నిలువుటద్దంగా నిలుస్తాయి.
కథలో రియల్ స్టార్ శ్రీహరి రింగ్ లోకి దిగితే ప్రత్యర్థులకు చమటలు పట్టాల్సిందే. రింగ్ లో పక్కా కోచింగ్ తో ఎంటర్ అయిన విలన్లను తన సహజసిద్ధమైన ప్రతిభతో భద్రాచలం చిత్తుగా ఓడిస్తాడు. నైపుణ్యం అనేది నేర్చుకుంటేనో లేక అడుక్కుంటేనో వచ్చేది కాదని, అది పుట్టుకతోనే రక్తం లోనే ఉండాలని నిరూపిస్తూ ప్రత్యర్థులను తుత్తునియలు చేస్తాడు. రింగ్ లో ఎదురయ్యే అడ్డంకులను, ప్రత్యర్థుల అక్రమ ఎత్తుగడలను అధిగమించి చివరికి ఫైనల్స్ లో కూడా భద్రాచలం విజేతగా నిలుస్తాడు. డ్యాన్స్ పోటీలలో లేదా చిన్న చిన్న రౌండ్లలో ఓడించినా, జీవితంలోనే ఓడిస్తానంటూ విలన్ విసిరే ఛాలెంజ్ లతో కథ మరింత ఉత్కంఠభరితంగా మారుతుంది.
ఈ క్రమంలోనే ప్రముఖ పారిశ్రామికవేత్త మరియు విద్యావేత్త కేకే నిర్వహిస్తున్న సంస్థ, థాయ్లాండ్లో జరిగే అంతర్జాతీయ టైక్వాండో పోటీలకు భారత్ తరఫున ప్రాతినిధ్యం వహించడానికి భద్రాచలం మరియు సూరజ్లను ఎంపిక చేస్తుంది. వారి ప్రయాణానికి అయ్యే పూర్తి ఖర్చును కూడా స్పాన్సర్ చేస్తున్నట్లు ప్రకటిస్తుంది. అదే సమయంలో గురువు పరశురాం గారి ఆరోగ్య పరిస్థితి విషమంగా ఉండటం, ఆయన బైపాస్ సర్జరీ ఆపరేషన్ కోసం రూ. 2 లక్షల ఆర్థిక సహాయం చెక్ రూపంలో అందజేయడం కథలో ఒక కీలకమైన మలుపు. తన గురువు గారికి ఆపరేషన్ చేయించి పూర్తి ఆరోగ్యంతో థాయ్లాండ్ తీసుకెళ్లాలనేది భద్రాచలం ఆశయం.
అయితే, తన గురువు ఈ స్థితిలో ఉండగా, ఆయనను వదిలేసి దేశం కాని దేశం వెళ్లడానికి భద్రాచలం సుముఖంగా ఉండడు. కానీ గురువు పరశురాం తన శక్తులన్నింటినీ ధారపోసి విద్య నేర్పింది కేవలం తన జీవితాశయం నెరవేర్చుకోవడానికేనని స్పష్టం చేస్తారు. భద్రాచలం అంతర్జాతీయ స్థాయిలో గెలిచి వస్తేనే తనకు నిజమైన ఆనందమని, అలా కాకుండా వెళ్లకుండా ఉంటే అవమానంతో చనిపోతానని భావోద్వేగానికి గురవుతారు. గురువు మాటను జవదాటలేని భద్రాచలం, ఆయన పాదాలపై ప్రమాణం చేసి విజయంతో తిరిగి వస్తానని మాట ఇస్తాడు. పుట్టిన ఊరికి, మాతృదేశానికి గర్వకారణంగా నిలవాలని గురువు ఆశీర్వదించగా, అన్ని కుట్రలను ఛేదించి గెలిచి తీరుతానని భద్రాచలం ప్రయాణమవుతాడు. ఈ ఘట్టం శ్రీహరి కెరీర్ లోనే వన్ ఆఫ్ ది బెస్ట్ ఎమోషనల్ సీన్ గా మిగిలిపోయింది. ఇలాంటి అద్భుతమైన వీడియోల కోసం మా Teluguone youtube channelను Subscribe చేసుకోండి.
