టాలీవుడ్ వింటేజ్ క్లాసిక్స్ అనగానే మనకు గుర్తొచ్చే అద్భుతమైన చిత్రాల్లో 'శత్రువు' ఒకటి. విక్టరీ వెంకటేష్ హీరోగా, కోడి రామకృష్ణ దర్శకత్వంలో వచ్చిన ఈ పవర్ఫుల్ యాక్షన్ డ్రామా బాక్సాఫీస్ వద్ద సంచలన విజయం సాధించింది. ముఖ్యంగా ఈ సినిమాలో వచ్చే కోర్టు సీన్లు, పొలిటికల్ డ్రామా ప్రేక్షకులను ఎంతగానో అలరించాయి. తాజాగా ఈ సినిమాలోని ఒక ఐకానిక్ కామెడీ అండ్ మైండ్ గేమ్ సీన్ యూట్యూబ్లో విశేషంగా ఆకట్టుకుంటోంది.
ఈ వీడియోలో నటరత్న కోట శ్రీనివాసరావు చేసిన ఒక భారీ స్కామ్ చూసి తనిఖీకి వచ్చిన ప్రభుత్వ అధికారులే ముక్కున వేలేసుకుంటారు. గాలిలో మేడలు కట్టడం అంటే విన్నాం కానీ, కగితాల మీద ఏడు అంతస్తుల బిల్డింగ్ కట్టేసి, లేని హాస్టల్లో 2000 మంది విద్యార్థులు ఉంటున్నట్లు నమ్మించి కోట్లు కాజేసే అవినీతి రాజకీయ నాయకుడిగా కోట శ్రీనివాసరావు తనదైన విలక్షణ నటనతో జీవించేశారు.
https://www.youtube.com/watch?v=ix8gtQKqtFE
నిజాయితీ గల వెల్ఫేర్ ఆఫీసర్ని తప్పుడు ఆరోపణలతో సస్పెండ్ చేయించిన వెంకటరత్నం (కోట), ఆ తర్వాత చట్టాన్ని ఎలా మేనేజ్ చేయాలా అని ఆలోచించే సీన్ అత్యంత హాస్యాస్పదంగా ఉంటుంది. అసలు బిల్డింగే లేనప్పుడు, ఆ లేని బిల్డింగ్ ఒక్కసారిగా కూలిపోయిందని, అందులో వందల మంది చనిపోయారంటూ లాయర్ రాఘవ (వెంకటేష్) కోర్టులో కేసు వేస్తాడు.
ఈ వినూత్నమైన లీగల్ ట్రాప్ చూసి కోట మరియు అతని లాయర్ గిలగిలా కొట్టుకునే విధానం థియేటర్లలో నవ్వుల పువ్వులు పూయించింది. కట్టని బిల్డింగ్ కూలిపోయిందని ఒప్పుకుంటే జైలుకి వెళ్ళాలి, కూలిపోలేదంటే అసలు బిల్డింగే కట్టలేదని స్కామ్ ఒప్పుకోవాలి. ఈ ఇరుకున పెట్టే సీన్లో వెంకటేష్ మార్క్ డైలాగ్ డెలివరీ, కోట శ్రీనివాసరావు కామెడీ టైమింగ్ అద్భుతంగా పండాయి.
సీనియర్ నటుడు కోట శ్రీనివాసరావు పాత్రలో చూపించిన భయం, మేనరిజమ్స్, "నా పెట్టి నా చేతిలోనే ఉంది కదా" అంటూ సాగే డైలాగులు ఇప్పటికీ ఎవర్ గ్రీన్. అలాగే లాయర్ పాత్రలో వెంకటేష్ కనిపించిన తీరు, కోడి రామకృష్ణగారి స్క్రీన్ ప్లే ప్రతి ఒక్కరినీ కట్టిపడేస్తాయి. ప్రస్తుతం ఈ వింటేజ్ మాస్ సీన్ సోషల్ మీడియాలో విపరీతంగా ట్రెండ్ అవుతోంది. ఇలాంటి ఇంట్రెస్టింగ్ వీడియోల కోసం మా Teluguone youtube channelను Subscribe చేసుకోండి.
