టాలీవుడ్ లో హాస్య బ్రహ్మ బ్రహ్మానందం (Brahmanandam) కామెడీ టైమింగ్కు సాటి వచ్చే వారే లేరు. కొన్ని దశాబ్దాలుగా ఆయన తన అద్భుతమైన హావభావాలు, నటనతో కోట్లాది మంది ప్రేక్షకులను పొట్టచెక్కలయ్యేలా నవ్విస్తూనే ఉన్నారు. తాజాగా సోషల్ మీడియాలో వైరల్ అవుతున్న ఒక కామెడీ సీన్ నెటిజన్లను విపరీతంగా ఆకట్టుకుంటోంది.
'నువ్వు వస్తావని' (Nuvvu Vastavani) సినిమాలో బ్రహ్మానందం పంచిన నవ్వుల విందుని అంత తేలికగా మరచిపోలేము. 'నిక్కర్ నారాయణ' అనే విచిత్రమైన పేరుతో చలామణి అయ్యే ఒక లోకల్ గుండా పాత్రలో ఆయన చేసిన హంగామా అంతా ఇంతా కాదు.
ఈ వైరల్ వీడియోలో, నిక్కర్ నారాయణ (బ్రహ్మానందం) రోడ్డుపై నడుచుకుంటూ వెళ్తుంటే ఒక వ్యక్తి చూసి చూడనట్లు వెళ్ళిపోతాడు. దాంతో నారాయణకు ఎక్కడ లేని కోపం వచ్చి, "ఏరా బలిసిందా? నిక్కర్ నారాయణ వెళ్తుంటే నమస్కారం కూడా చేయవా?" అంటూ కాలర్ పట్టుకుంటాడు. దాంతో ఆ వ్యక్తి భయపడిపోయి, "తప్పయిపోయిందన్న, నేను కొత్తగా వచ్చాను" అని వేడుకోవడంతో, "మొదటి తప్పు కాబట్టి వదిలేస్తున్నాను" అంటూ బిల్డప్ ఇస్తాడు. ఈ సీన్ చూస్తున్నప్పుడే ప్రేక్షకుడికి నారాయణ ఎంత కామెడీ రౌడీనో అర్థమైపోతుంది.
ఆ తర్వాత అసలు ట్విస్ట్ ఒక మటన్ షాప్ దగ్గర మొదలవుతుంది. మటన్ కొట్టు యజమానితో నిక్కర్ నారాయణ పెట్టుకునే గొడవ ఈ సీన్కే హైలైట్గా నిలుస్తుంది. నారాయణ షాప్ దగ్గరకు రాగానే యజమాని తన అసిస్టెంట్తో "ఆ నిక్కర్ నారాయణ గాడు వస్తున్నాడు. పైసలు తీసుకోకుండా వాడికి మటన్ ఇచ్చేది లేదు." అంటాడు. కానీ నారాయణ మాత్రం ఏమాత్రం తగ్గకుండా, "వ్యాపారం బాగుందా? ఒక 6 కిలోల మటన్ కొట్టి ఇంటికి పంపించు" అని ఆర్డర్ వేస్తాడు. 6 కిలోలు కాదు 60 కిలోలైనా ఇస్తాను కానీ ముందు పైసలు తీయ్ అని షాప్ ఓనర్ గట్టిగా అడుగుతాడు.
డబ్బులు అడగడమే ఆలస్యం, నిక్కర్ నారాయణకు అహం దెబ్బతింటుంది. "ఈ నిక్కర్ నారాయణను డబ్బులు అడగడానికి నీకు ఎన్ని గుండెలురా? విలన్ పర్సనాలిటీలో ఉన్నానని కామెడీ జోకులు వేస్తున్నావా?" అంటూ రెచ్చిపోతాడు. పైగా చంచల్గూడ జైలు నుండి తన బంధువులు వస్తున్నారని, అందుకోసం 6 కిలోల కైమా కొట్టాలని, ఆ మేక లివర్ బాగుంది కాబట్టి అది కూడా వేసి పంపించాలని వింత డిమాండ్లు పెడతాడు. దాంతో డబ్బులు కడితేనే మటన్ ఇస్తానని, ఓనర్ కత్తి పట్టుకుని హెచ్చరిస్తాడు.
దానికి నారాయణ మరింత కామెడీగా, "నీకు ఊహ తెలిసినప్పటి నుండి మేకలు నరుకుతున్నావు, నేను పుట్టినప్పటి నుండి మనుషుల్ని ముక్కలు ముక్కలుగా నరుకుతున్నాను" అని డైలాగ్ కొడతాడు. అంతటితో ఆగకుండా "మేక మాంసం అని చెప్పి గొడ్డు మాంసం అమ్ముకునే నువ్వు నన్ను బెదిరిస్తావా?" అంటాడు. దాంతో అక్కడ గొడవ పెద్దదై, నారాయణకు ఏకంగా 10 కిలోల మాంసం దొరకడం, ఆ తర్వాత వచ్చే మ్యూజిక్ మరియు బ్రహ్మానందం ఎక్స్ప్రెషన్స్ ఈ వీడియోను నవ్వుల పండగలా మార్చేశాయి.
Brahmanandam, Nuvvu Vastavani, Comedy Scenes, TeluguOne
