"త్రిశంక్" కూడా కేనన్ 5డి తోనే తీస్తానని ప్రముఖ దర్శక, నిర్మాత రామ్ గోపాల వర్మ మీడియాకు తెలియజేశారు. గతంలో ఈ "త్రిశంక్" చిత్రం పేరుని "డిపార్ట్ మెంట్" అని అనుకున్నారు వర్మ. ఈ "త్రిశంక్" చిత్రాన్ని హిందీలో భారీ తారాగణంతో రామ్ గోపాల వర్మ నిర్మిస్తున్నారు. ఆలిండియా సూపర్ స్టార్ అమితాబ్ బచ్చన్, ఆయన కుమారుడు అభిషేక్ బచ్చన్, "ఖల్ నాయక్" గా పేరుపడ్డ సంజయ్ దత్ వంటి ప్రముఖ తారాగణం ఈ రామ్ గోపాల వర్మ "త్రిశంక్" చిత్రంలో నటిస్తున్నారు.

తన ఈ "త్రిశంక్" చిత్రంలో అమితాబ్ బచ్చన్, ఆయన కుమారుడు అభిషేక్ బచ్చన్, సంజయ్ దత్ వంటి ప్రముఖ తారాగణం నటిస్తున్నా కూడా తాను ఈ "త్రిశంక్" చిత్రాన్ని "కేనన్ 5-డి" కెమెరాతోనే నిర్మించనున్నానని రామ్ గోపాల వర్మ ఘంటాపధంగా నొక్కి వక్కాణిస్తున్నారు.

దీనికి కారణమేంటని అడిగితే "మనం ఏ కెమెరాతో మూవీ తీశామో సగటు ప్రేక్షకుడికి అనవసరం. సినిమా బాగా కనపడుతుందా...? లేదా...? సినిమాలో కంటెంట్‍ ఎంత ఆసక్తికరంగా ఉంది అన్నది మాత్రమే సగటు ప్రేక్షకుడు ఆలోచిస్తాడు..అంతే కానీ మనం యారీ-3 కెమెరా వాడామా, బి 435 కెమెరా వాడామా లేక పేనావిజన్ కెమెరా వాడామా, మూవీ మోషన్ కెమెరా వాడామా అనేది వారికి అనవసరం. అందుకే నేను నా ప్రతి చిత్రాన్నీ "కేనన్ 5-డి" కెమెరాతోనే నిర్మిస్తాను" అని రామ్ గోపాల వర్మ మీడియాకు తెలియజేశారు. దటీజ్ రామ్ గోపాల వర్మ...మిగిలిన దర్శకులు కూడా ఇలా విభిన్నంగా ఎందుకు ఆలోచించరో...