మనం ప్రాణంగా ప్రేమించే వ్యక్తులే వెన్నుపోటు పొడిస్తే అది చెప్ప్పుకోవడానికి వీల్లేని బాధ. అలాగే ఎంతో నమ్మకమైన బంధానికి ద్రోహం జరిగితే ఆ బాధ కూడా వర్ణనాతీతం. ఒక పక్క తోడబుట్టిన వారి ప్రేమ, మరోపక్క ప్రాణంగా నమ్మిన భర్త రాక్షసత్వం మధ్య నలిగిపోయే ఒక మహిళా పోరాటమే ఈ కథ. వెన్నులో వణుకు పుట్టించే ఈ ఉద్వేగభరితమైన సన్నివేశం ‘పట్టుకోండి చూద్దాం‘ చిత్రంలోనిది.

రావు అనే వ్యక్తి సమాజం దృష్టిలో ఒక మంచి భర్త అనిపించుకుంటూ ఉంటాడు. అయితే అతని లోపల ఒక కిరాతకమైన మృగం దాగి ఉంది. బాంబేలో వ్యాపారం చేస్తున్నానని తన భార్య బేబీని నమ్మించి, రహస్యంగా అక్కడే ఉంటూ మరో అమ్మాయితో వివాహేతర సంబంధాన్ని కొనసాగిస్తాడు. అంతటితో ఆగకుండా, తన భార్య బేబీని చంపేసి, ఆ హత్యను చంటి మరియు బుజ్జిల మీద తోసేయాలని ఒక భయంకరమైన కుట్ర పన్నుతాడు. అతని క్రూరత్వం ఎంతటిదంటే, సొంత మరదలు చిత్రను కూడా వదలక ఆమెను దారుణంగా అనుభవించి, చివరకు ఆమెను హతమారుస్తాడు.

రావు కేవలం కామాంధుడే కాదు, అత్యంత లోభి కూడా. బ్యాంకులో జరిగిన దొంగతనంలో 50 లక్షలు పోతే, మిగిలిన కోటిన్నర రూపాయలను తనే కాజేసి ఎవరికీ అనుమానం రాకుండా జాగ్రత్తపడతాడు. చిత్రను చంపి పాతిపెడుతున్న సమయంలో ఆ డబ్బు కూడా అతనికి దొరుకుతుంది. అయితే, పాపం పండక మానదు అన్నట్లుగా, చనిపోయిన చిత్ర రాసుకున్న డైరీ బేబీ చేతికి చిక్కుతుంది. ఆ డైరీలోని ప్రతి అక్షరం రావు చేసిన నీచమైన పనులను, అతని అసలు స్వరూపాన్ని బేబీకి కళ్ళకు కట్టినట్లు చూపిస్తుంది.

నిజం తెలిసిన బేబీ, “నీలాంటి నీచుడితో ఇన్నేళ్లు కాపురం చేసినందుకు నా మీద నాకే అసహ్యం వేస్తోంది” అని రావును అసహ్యించుకుంటుంది. అప్పటి వరకు రావును ఒక దైవంలా భావించిన ఆమెకు అతను ఓ రాక్షసుడిలా కనిపిస్తాడు. మరోవైపు, బేబీ తమ్ముళ్లయిన చంటి మరియు బుజ్జిలు తమ అక్క ప్రాణాలను కాపాడుకోవడానికి ప్రాణాలకు తెగించి పోరాడతారు. పోలీసుల సహాయంతో రావును ఎలాగైనా పట్టుకోవాలని వారు చేసే ప్రయత్నం ఆసక్తికరంగా ఉంటుంది. ప్రేమ, నమ్మకం, ద్రోహం మరియు ప్రతీకారం... ఈ భావోద్వేగాల సమాహారమే ఈ సన్నివేశం.  చివరికి న్యాయం గెలిచిందా? ఆ కిరాతకుడికి శిక్ష పడిందా? అనేది ఈ కథలో అత్యంత ఆసక్తికరమైన అంశం. ఈ సన్నివేశానికి సంబంధించిన వీడియోను ఎక్స్‌క్లూజివ్‌గా క్రింద ఇస్తున్నాం.. వీక్షించండి. అలాగే మా TeluguOne Cinema ఛానల్‌ని Subscribe చేసుకోండి