దక్షిణాది చిత్ర పరిశ్రమ ద్వారా స్టార్డమ్ తెచ్చుకుని, ఆ తర్వాత బాలీవుడ్ బాట పట్టిన కథానాయికల జాబితా చాలా పెద్దదే. అలా బాట పట్టడం తప్పు కాదు. కానీ యేరు దాటాక తెప్ప తెగేయకూడదు కదా!. అసలు ఆ అవసరం కూడా వాళ్ళకి లేదు. బట్ వాళ్ళ మాటలు ఆ విధంగానే ఉన్నాయి.
ఇటీవల మిల్క్ బ్యూటీ తమన్నా భాటియా సౌత్ ఇండస్ట్రీలో పితృస్వామ్య ధోరణి (Patriarchal Gaze) మరియు హీరోయిన్ల గ్లామరైజేషన్ గురించి చేసిన వ్యాఖ్యలు టాలీవుడ్లో సరికొత్త చర్చకు దారితీశాయి. కెరీర్ ఆరంభం నుండి దాదాపు 15 ఏళ్లకు పైగా సౌత్ సినిమాల్లోనే అగ్ర కథానాయికగా వెలిగిన తమన్నా, ఇప్పుడు ఇలా మాట్లాడటంపై సోషల్ మీడియాలో తీవ్ర వ్యతిరేకత వ్యక్తమవుతోంది. ఈ క్రమంలోనే గతంలో 'ఝుమ్మంది నాదం' చిత్రంతో తెలుగు తెరకు పరిచయమై, ఆ తర్వాత టాలీవుడ్పై విమర్శలు చేసిన తాప్సీ పన్ను వ్యాఖ్యలను నెటిజన్లు గుర్తు చేసుకుంటున్నారు.
ఒకప్పుడు తమకు అన్నం పెట్టిన పరిశ్రమని , అవకాశాలు తగ్గాక ఇలా తక్కువ చేసి మాట్లాడటం ఎంతవరకు కరెక్ట్ అంటూ టాలీవుడ్ అభిమానులు ఆగ్రహం వ్యక్తం చేస్తున్నారు.తమన్నా భాటియా తన సినీ ప్రయాణంలో 80 శాతానికి పైగా గుర్తింపుని , సంపాదనని కేవలం సౌత్ సినిమాల ద్వారానే సంపాదించుకుంది. 'హ్యాపీ డేస్', 'కొంచెం ఇష్టం కొంచెం కష్టం' వంటి క్లాసిక్ సినిమాలతో పాటు 'బాహుబలి' లాంటి అంతర్జాతీయ స్థాయి చిత్రంలో 'అవంతిక'గా ఆమెకు దక్కిన గౌరవం అంతా ఇంతా కాదు. కానీ, ఇటీవలి కాలంలో బాలీవుడ్లో ఎక్కువ అవకాశాల కోసం ప్రయత్నిస్తున్న తమన్నా, సౌత్ ఇండస్ట్రీలో హీరోయిన్లను కేవలం గ్లామర్ కోణంలోనే చూస్తారంటూ చేసిన కామెంట్లు వివాదాస్పదమయ్యాయి. దీనిపై నెటిజన్లు స్పందిస్తూ, టాలీవుడ్లో తమన్నాను ఎంతో గౌరవించారని, కానీ హిందీలో ఆమె కేవలం స్పెషల్ సాంగ్స్ (ఐటెం నంబర్స్), బోల్డ్ పాత్రలకే పరిమితమైందని ఎద్దేవా చేస్తున్నారు.
Also read: sunitha: నా బాడీ నా ఇష్టం అంటే.. సింగర్ సునీత సంచలన వ్యాఖ్యలు
మరోవైపు తాప్సీ పన్ను సైతం కెరీర్ మొదట్లో దర్శకేంద్రుడు రాఘవేంద్రరావు దర్శకత్వంలో నటించినప్పుడు, తన నడుముపై కొబ్బరికాయ వేయడం గురించి చేసిన వ్యాఖ్యలు అప్పట్లో పెద్ద దుమారాన్నే లేపాయి. అయితే, తాప్సీ ఆ తర్వాత పూర్తిగా బాలీవుడ్కు షిఫ్ట్ అయి, కేవలం కంటెంట్ ఓరియెంటెడ్ పాత్రలనే ఎంచుకుంటూ రూట్ మార్చింది. ఇటీవల 2026 ఫిబ్రవరిలో విడుదలైన 'అస్సి' (Assi) లాంటి కోర్టు రూమ్ డ్రామా చిత్రంలో తాప్సీ తన నటనతో 3.5/5 స్టార్ రేటింగ్స్ అందుకుని పవర్ఫుల్ పర్ఫార్మర్ అనిపించుకుంది. కానీ తమన్నా విషయంలో మాత్రం పరిస్థితి భిన్నంగా ఉంది. ఒకవైపు సౌత్ ఇండస్ట్రీని తప్పుబడుతూనే, మరోవైపు బాలీవుడ్లో గ్లామర్ ఆరబోతకు ప్రాధాన్యత ఇవ్వడం ఆమె ద్వంద్వ విధానాన్ని (Double Standards) సూచిస్తోందని టాలీవుడ్ వర్గాలు మండిపడుతున్నాయి. ఏదేమైనా, ఈ ఇద్దరు భామల వ్యాఖ్యలు 'ఏరు దాటాక తెప్ప తగలేయడం' లాంటివేనని నెటిజన్లు అభిప్రాయపడుతున్నారు.
