పడిపోతున్న షారుఖ్ ఫ్యాన్ కలెక్షన్స్..!
on Apr 19, 2016
పవన్ కళ్యాణ్ సర్దార్ గబ్బర్ సింగ్, ఓపెనింగ్ రోజున కలెక్షన్లు కుమ్మేసింది. కానీ ఫస్ట్ డే టాక్ బయటికొచ్చిన తర్వాత పూర్తి విరుద్ధంగా కలెక్షన్లు మారిపోయాయి. ప్రస్తుతం షారుఖ్ నటించిన ఫ్యాన్ సినిమా కూడా ఇదే దారిని ఫాలో అవుతోంది. షారుఖ్ సినిమాల్ని చూడటానికి వచ్చేవాళ్లు ఎక్కువగా కామెడీనే ఎక్సెపెక్ట్ చేస్తారు. కానీ ఫ్యాన్ మాత్రం రొటీన్ మాస్ మాసాలాకు భిన్నంగా, థ్రిల్లింగ్ ఎలిమెంట్స్ తో తెరకెక్కింది. ఖాన్ ఫ్యాన్స్ కు సినిమా పిచ్చిపిచ్చిగా నచ్చేసినా, మామూలు ఆడియన్స్ కు మాత్రం పెద్దగా నచ్చట్లేదు. సోమవారానికి, ఫ్యాన్ సినిమా కేవలం 58.40 కోట్ల బిజినెస్ మాత్రమే చేయగలిగింది. కలెక్షన్లలో దాదాపు 70 శాతం పడిపోయింది. బాలీవుడ్ మార్కెట్ ప్రకారం, షారుఖ్ లాంటి స్టార్ సినిమాకు ఇవి చాలా ఘోరమైన లెక్కలే మరి. సినిమా కనీసం వందకోట్లు టచ్ చేస్తుందా అనేది అనుమానంగా మారింది. సోమవారం వరకూ ఇండియాలో షారుఖ్ ఫ్యాన్ కలెక్షన్ల అంచనా..
శుక్రవారం 19.20 కోట్లు
శనివారం 15.40 కోట్లు
ఆదివారం 17.75 కోట్లు
సోమవారం 6.05 కోట్లు
మొత్తం 58.40 కోట్లు (ఇండియా కలెక్షన్లు మాత్రమే)