షారుఖ్ ఖాన్ ఫ్యాన్ కాంట్రవర్సీ..!
on Apr 13, 2016
షారుఖ్ ఖాన్ హీరోగా, ఫ్యాన్ గా ద్విపాత్రాభినయం చేస్తున్న సినిమా ఫ్యాన్. ఆర్యన్ ఖన్నా అనే హీరోగా, గౌరవ్ అనే 20 ఏళ్ల వీరాభిమానిగా షారుఖ్ సినిమాలో జీవించాడు. ఇప్పటికే ట్రైలర్లు, టీజర్లతో ఫ్యాన్స్ ను విపరీతంగా ఆకట్టుకున్న ఈ సినిమాను ఈ నెలలోనే రిలీజ్ చేయడానికి ప్లాన్ చేసుకున్నారు మూవీ టీం. అయితే, తాజాగా ఈ సినిమాకు కాంట్రవర్సీ ఎదురైంది. తమిళ నిర్మాత మహేష్ థోయ్, తాను రిజిస్టర్ చేసుకున్న అభినేత అనే కథను, తన అనుమతి లేకుండా ఫ్యాన్ సినిమాగా తీశారని, ఆ స్టోరీని 1997లోనే తాను రిజిస్టర్ చేసుకున్నానని ఆరోపిస్తున్నారు. మనీష్ శర్మ, షారుఖ్ లు కనీసం తనను సంప్రదించకుండా, తన కథను కాపీ కొట్టారని, తనకు జరిగిన నష్టానికి పరిహారంగా 25 కోట్లు ఇప్పించాలని కేసు వేశారు. మరో వైపు మనీష్ వాదన మాత్రం భిన్నంగా ఉంది. ఈ సినిమా కథ తనకు తానుగా రాసుకున్నట్టు, కేవలం షారుఖ్ కోసమే ఈ కథను రెడీ చేసినట్టు ఆయన చెబుతున్నాడు. సినిమా చూసిన తర్వాత నిర్మాత మాట్లాడాలని, అసలు సినిమాలో ఏ కథ ఉందో కూడా తెలియకుండా తన కథ అంటూ కేసు వేయడం కరెక్ట్ కాదని మనీష్ వాదిస్తున్నాడు. ఇప్పుడు ఈ కేసుపై కోర్టు ఎలా తీర్పిస్తుందో, ఫ్యాన్ రిలీజ్ అవుతుందా, ఆగుతుందా అన్న ఆసక్తి బాలీవుడ్ వర్గాల్లో నెలకొంది.