సర్దార్ లో కాజల్ కు ఎందుకు మైనస్ మార్కులు..?
on Apr 10, 2016
సర్దార్ గబ్బర్ సింగ్ సినిమా టాక్ తో పాటు, మూవీలో కాజల్ లుక్స్ గురించి కూడా డివైడ్ టాకే వచ్చింది. మొన్నటి వరకూ అందంగా చందమామలా కనిపించిన కాజల్ లో, ఒక్కసారిగా మార్పు వచ్చేసిందంటూ ప్రేక్షకులు భావించారు. రాజకుమారిగా కాజల్ అసలు సెట్ కాలేదంటూ, చాలా మంది విమర్శిస్తున్నారు కూడా. అసలు కాజల్ లో ఎందుకు సడెన్ గా అంత ఛేంజ్ కనిపించింది..? అని అడిగితే, ఆమె సన్నబడటమే అనే సమాధానం వస్తుంది. సినిమా రిలీజ్ కు ముందే వచ్చిన కాజల్ ఫస్ట్ లుక్ చూడగానే, సన్నబడినట్టుందే అనే ఫీల్ వచ్చింది. ఆల్రెడీ ఈ చందమామ సన్నమే. నాజూకైన శరీరాకృతి, మంచి గ్లో ఉన్న ముఖం కాజల్ కు ప్లస్ పాయింట్స్. అవే ఆమెకు అవకాశాల్ని కూడా తెచ్చిపెట్టాయి.
కానీ తను లావైపోయిందని ఎవరైనా చెప్పారో, లేక తనే అనుకుందో తెలీదు గానీ, ఒక్కసారిగా అమ్మడు డైటింగ్ చేసి స్లిమ్ గా మారిపోయింది. దాంతో ముఖంలో కాంతి వాడిపోయింది. ఇదే సర్దార్ లో కాజల్ కు మైనస్ అయిందంటున్నారు సినీజనాలు. స్లిమ్ అవడానికి ట్రై చేసిన ప్రతీ హీరోయిన్ నూ తెలుగు ఆడియన్స్ రిజెక్ట్ చేశారు. తెలుగు తమిళ ప్రేక్షకులకు, హీరోయిన్ కాస్త బొద్దుగా ఉంటేనే నచ్చుతుంది. శ్రియ, ఇలియానా, త్రిష, ఛార్మి ఇలా చాలా మంది హీరోయిన్స్ ను కాస్త ఒళ్లు ఉన్నప్పుడే ఆదరించారు. వీళ్లందరూ సన్నబడగానే అవకాశాలు తగ్గిపోయాయనే విషయం సినీజనాలకు బాగా తెలుసు. ఇప్పుడు సర్దార్ పై ఎన్నో హోప్ప్ పెట్టుకున్న కాజల్ కూడా సినిమాకు మైనస్ లలో ఒకటిగా మారిపోవడం విచిత్రం. మరి ఈ భామ మళ్లీ అవకాశాలను దక్కించుకుంటుందో లేదో చూడాలి.