ఈరోజు రెహమాన్, చైతూ సెకండ్ సాంగ్ రిలీజ్...!
on May 5, 2016
అక్కినేని యువహీరో నాగచైతన్య రెండు సినిమాలు శరవేగంగా సిద్ధమవుతున్నాయి. ఒకటి గౌతమ్ మీనన్ తో సాహసం శ్వాసగా సాగిపో సినిమా కాగా, మరొకటి చందూ మొండేటి తెరకెక్కిస్తున్న ప్రేమమ్. సాహసం శ్వాసగా సినిమాకు రెహమాన్ సంగీతాన్ని అందిస్తున్న సంగతి తెలిసిందే. జనవరి చివరి వారంలో వెళ్లిపోమాకే అన్న పాటను యూట్యూబ్ లో విడుదల చేశారు. ఈ రొమాంటిక్ సాంగ్ కు ఆడియన్స్ నుంచి మంచి రెస్పాన్స్ వచ్చింది. ఈ సాంగ్ యూట్యూబ్ లో దాదాపు 40 లక్షల వ్యూస్ సాధించడం విశేషం. గురువారం సాయంత్రం షోకిల్లా అనే మరో సాంగ్ టీజర్ ను రిలీజ్ చేయనున్నారు మూవీ టీం. మే నెలాఖరున ఆడియో రిలీజ్ జరుపుకోనున్న ఈ సినిమాలో నాగచైతన్య సరసన మళయాళ భామ మంజిమా మోహన్ నటిస్తోంది. గౌతమ్ మీనన్ దర్శకత్వంలో తెరకెక్కిన ఈ సినిమాలో చైతూ మొదటిసారి పోలీసాఫీసర్ పాత్రలో కనిపించడం విశేషం. సినిమా జూన్ రెండో వారంలో రిలీజవుతుందని సమాచారం.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
