టాలీవుడ్తో పాటు బాలీవుడ్లోనూ వరుస సినిమాలతో దూసుకుపోతున్న నేషనల్ క్రష్ రష్మిక మందన్న గురించి ప్రత్యేకంగా చెప్పాల్సిన అవసరం లేదు. ‘పుష్ప’ సినిమాతో పాన్ ఇండియా స్థాయిలో మరింత గుర్తింపు తెచ్చుకున్న ఈ భామ ప్రస్తుతం వరుస ప్రాజెక్టులతో బిజీగా ఉంది. మరోవైపు విజయ్ దేవరకొండతో వివాహం తర్వాత రష్మిక వ్యక్తిగత జీవితం కూడా తరచూ వార్తల్లో నిలుస్తోంది.
ఈ నేపథ్యంలో రష్మిక గతంలో మాతృత్వం, పిల్లల గురించి చేసిన వ్యాఖ్యలు మరోసారి సోషల్ మీడియాలో వైరల్ అవుతున్నాయి. పెళ్లికి ముందే ఓ ఇంటర్వ్యూలో తనకు భవిష్యత్తులో పిల్లలు కావాలనే కోరిక ఉందని రష్మిక చెప్పింది. అంతేకాదు.. ఇంకా తల్లి కాకపోయినా, తనకు పుట్టబోయే పిల్లలపై ఇప్పటి నుంచే ఒక ప్రత్యేకమైన అనుబంధాన్ని ఫీలవుతున్నానని చెప్పడం ఆసక్తిని కలిగించింది.
తన పిల్లల విషయంలో చాలా కేరింగ్గా, ప్రొటెక్టివ్గా ఉంటానని రష్మిక వెల్లడించింది. వాళ్లను సురక్షితంగా చూసుకోవడం, ఎలాంటి ఇబ్బందులు రాకుండా కాపాడటం తన బాధ్యతగా భావిస్తానని చెప్పింది. అవసరమైతే వారి కోసం ఎంతటి పరిస్థితినైనా ఎదుర్కొనేంతగా తనను తాను శారీరకంగా, మానసికంగా సిద్ధం చేసుకోవాలని అనుకుంటున్నట్లు తెలిపింది. పిల్లలు పుట్టకముందే వారి గురించి ఇంతగా ఆలోచిస్తున్నానంటే తనకే ఆశ్చర్యంగా ఉంటుందని రష్మిక చెప్పింది.
అయితే ప్రస్తుతం మాత్రం తన కెరీర్పైనే ఎక్కువగా దృష్టి పెట్టినట్లు రష్మిక స్పష్టం చేసింది. జీవితంలో ఒక దశలో కెరీర్, ఆర్థిక స్వాతంత్య్రానికి ప్రాధాన్యత ఇవ్వాల్సి ఉంటుందని, ఆ తర్వాత వ్యక్తిగత జీవితం, కుటుంబానికి కూడా సమయం కేటాయించాలని తాను భావిస్తున్నట్లు గతంలో చెప్పింది. అంటే మాతృత్వం గురించి తనకు ఆసక్తి ఉన్నప్పటికీ, దానికి సరైన సమయం ఉందని రష్మిక భావిస్తున్నట్లు ఆమె వ్యాఖ్యలను బట్టి తెలుస్తోంది.
ఇక సినిమాల విషయానికి వస్తే.. రష్మిక ప్రస్తుతం పలు ఆసక్తికరమైన ప్రాజెక్టులతో బిజీగా ఉంది. మరోవైపు విజయ్ దేవరకొండతో కలిసి నటించిన ‘గీత గోవిందం’, ‘డియర్ కామ్రేడ్’ సినిమాలు ఇప్పటికే ప్రేక్షకులను ఆకట్టుకున్నాయి. ఇప్పుడు ఈ జోడీ మరోసారి తెరపై కనిపించనుండటంతో అభిమానుల్లో ఆసక్తి నెలకొంది. పెళ్లి తర్వాత వీరిద్దరూ కలిసి నటిస్తున్న సినిమా కావడంతో ఈ ప్రాజెక్ట్పై అంచనాలు మరింత పెరిగాయి.
[Rashmika Mandanna, Rashmika Mandanna Motherhood, Rashmika Mandanna Kids, Rashmika Baby Planning, Rashmika Family, Rashmika Mandanna Marriage, Vijay Deverakonda Rashmika, Rashmika Latest News, Rashmika Upcoming Movies, Rashmika Mandanna Motherhood Comments]
