టాలీవుడ్ ఇండస్ట్రీలో తనదైన ఎనర్జీతో, మాస్ అండ్ క్లాస్ ఆడియన్స్ను అలరిస్తూ దూసుకుపోతున్న ఎనర్జిటిక్ స్టార్ రామ్ పోతినేని (Ram Pothineni) సరికొత్త ప్రాజెక్ట్ తో బాక్సాఫీస్ వద్ద రచ్చ లేపేందుకు సిద్ధమవుతున్నారు. రామ్ హీరోగా తెరకెక్కుతున్న లేటెస్ట్ అప్కమింగ్ మూవీ 'RAPO23' అఫీషియల్ అనౌన్స్మెంట్ రాకతోనే ఇండస్ట్రీ వర్గాల్లో మరియు సోషల్ మీడియాలో భారీ అంచనాలు క్రియేట్ అయ్యాయి. ఈ క్రేజీ ప్రాజెక్ట్ను స్వయంగా రామ్ పోతినేని డైరెక్ట్ చేస్తుండటం విశేషం. కృష్ణ పోతినేని భారీ బడ్జెట్తో రాపో సినిమాటిక్స్ బ్యానర్పై ఈ చిత్రాన్ని నిర్మిస్తున్నారు.
ఈ సినిమా అనౌన్స్ అయినప్పటి నుంచి టెక్నికల్ టీమ్ గురించిన ఆసక్తికరమైన చర్చలు నడుస్తుండగా, తాజాగా మేకర్స్ ఒక మైండ్ బ్లోయింగ్ అప్డేట్తో ప్రేక్షకుల ముందుకు వచ్చారు. ఈ మోస్ట్ అవేటెడ్ ప్రాజెక్ట్లోకి ఇండియన్ సినిమా రంగంలోనే వన్ ఆఫ్ ది బెస్ట్ టెక్నీషియన్, నేషనల్ అవార్డ్ విన్నింగ్ సినిమాటోగ్రాఫర్ తిరు (DOP Tirru) అధికారికంగా అడుగుపెట్టారు.
నేషనల్ అవార్డ్ విన్నర్ తిరు ఎంట్రీ ఇవ్వడంతో 'RAPO23' ప్రాజెక్ట్ రేంజ్ ఒక్కసారిగా నెక్స్ట్ లెవెల్కు చేరుకుంది. ఈ అద్భుతమైన నియో-నాయిర్ (Neo-Noir Style) యాక్షన్ ప్రపంచాన్ని, అందులోని హై-వోల్టేజ్ అడ్రినలిన్ రష్, పవర్ఫుల్ యాక్షన్ ఎపిసోడ్స్ మరియు గుండెలను పిండేసే ఎమోషన్స్ను తన అసాధారణమైన కెమెరా కంటితో క్యాప్చర్ చేసేందుకు తిరు రంగంలోకి దిగారు.
'24', 'జనతా గ్యారేజ్', 'భరత్ అనే నేను' వంటి ఎన్నో భారీ సినిమాలకు డీఓపీగా పనిచేసిన తిరు, తన అద్భుతమైన లైటింగ్ మరియు కలర్ ప్యాలెట్తో సరికొత్త విజువల్స్ చూపించడంలో సిద్ధహస్తుడు. రామ్ పోతినేని కెరీర్లోనే ఇదొక అత్యంత ప్రయోగాత్మకమైన, మునుపెన్నడూ చూడని సరికొత్త నియో-నాయిర్ స్టైల్ డార్క్ యాక్షన్ డ్రామాగా తెరకెక్కబోతోంది. తిరు మార్క్ విజువల్స్ ఈ సినిమాకు ప్రధాన ఆకర్షణగా నిలవనున్నాయి.
