మొన్నటివరకూ చెన్నైలో "రోబో 2.0" చిత్రీకరణలో బిజీగా ఉన్న ఆలిండియా సూపర్ స్టార్ రజనీకాంత్ ఉన్నట్టుండి తలకోనకు పయనమవ్వనున్నాడు. తిరుపతికి దగ్గర్లోని తలకోనలో ఏకంగా 270 అడుగుల జలపాతం ఉంది. ఈ పరిసర ప్రాంతాల్లో "రోబో 2.0" షూటింగ్ జరగనుంది. ప్రస్తుతం "రోబో" టీమ్ ఇక్కడే ఉంది. షూటింగ్ కు కావాల్సినవన్నీ రెడీ చేసుకొంటున్నారు. ఆగస్ట్ నుంచి రజనీకాంత్ కూడా చిత్రీకరణలో పాల్గొననున్నాడు. రజనీ సరసన అమీజాక్సన్ కథానాయికగా నటిస్తున్న ఈ చిత్రంలో బాలీవుడ్ కథానాయకుడు అక్షయ్ కుమార్ ప్రతినాయకుడిగా కనిపించనున్నాడు. శంకర్ దర్శకత్వంలో తెరకెక్కుతున్న ఈ చిత్రాన్ని లైకా సంస్థ నిర్మిస్తోంది. 2016 దీపావళికి "రోబో 2.0" చిత్రాన్ని విడుదల చేద్దామని నిర్మాతలు ఆలోచన!