‘బాహుబలి’ని రీ రిలీజ్ చెయ్యడం లేదు.. షాక్ ఇచ్చిన రాజమౌళి!
on Oct 6, 2025
అవును.. బాహుబలి చిత్రాన్ని రీ రిలీజ్ చెయ్యడం లేదు. నిన్న మొన్నటి వరకు బాహుబలి రెండు భాగాల్ని ఒక భాగంగా చేసి ‘బాహుబలి ది ఎపిక్’ పేరుతో అక్టోబర్ 31న వరల్డ్వైడ్గా రీ రిలీజ్ చేస్తున్నామని చెప్పారు. అయితే ది రీరిలీజ్ కాదట. ఫస్ట్ రిలీజ్ అంటున్నారు. ఆడియన్స్ని ఎంగేజ్ చేసే అంశాలు సినిమాలో ఏ మేరకు పెట్టాలి, సినిమాకి బజ్ ఎలా క్రియేట్ చెయ్యాలి, సినిమాను ఎలా మార్కెట్ చెయ్యాలి అనేది రాజమౌళికి తెలిసినంతగా మరో టాలీవుడ్ డైరెక్టర్కి తెలీదంటే అతిశయోక్తి కాదు. ఎందుకంటే ఇప్పటి వరకు రాజమౌళి చేసిన సినిమాలన్నీ ఈ తరహాలోనే మార్కెట్లోకి దూసుకెళ్లాయి. రాజమౌళి ఏం చేసినా దానికి ఒక ప్రత్యేకత ఉంటుందని ‘బాహుబలి ది ఎపిక్’ రిలీజ్లో మరోసారి ప్రూవ్ చేస్తున్నారు.
బాహుబలి1, బాహుబలి2 చిత్రాలను కలిపి ఒకే సినిమాగా రూపొందిస్తున్నారన్న విషయం తెలిసిందే. అయితే ఇందులో విశేషం ఏమిటంటే.. ఇంతకుముందు మనం చూడని సీన్స్ని కూడా జత చేస్తున్నారట. దీన్ని ఎంతో ప్రెస్టీజియస్గా తీసుకున్న రాజమౌళి.. తనే దగ్గరుండి ‘ది ఎపిక్’కి సంబంధించిన ఎడిటింగ్ పనులు చూసుకుంటున్నారు. ఇప్పుడు కొత్తగా కొన్ని సీన్స్ యాడ్ చేయబోతున్నారనే వార్త జనంలోకి వెళ్లిపోయింది. ముఖ్యంగా ప్రభాస్ ఫ్యాన్స్, రాజమౌళి ఫ్యాన్స్ ఈ సినిమా రిలీజ్కి సందడి చేసేందుకు సిద్ధమవుతున్నారు. ప్రపంచవ్యాప్తంగా ఆల్రెడీ సంచలనం సృష్టించిన ఈ సినిమా మరోసారి సెన్సేషన్ క్రియేట్ చేసేందుకు రెడీ అవుతోంది.
థియేటర్లకు జనాన్ని ఎలా రప్పించాలో రాజమౌళికి తెలుసు కాబట్టి దానికి తగ్గట్టుగానే భారీ ప్రమోషన్లకు ఏర్పాట్లు చేస్తున్నారు. ‘బాహుబలి ది ఎపిక్’ను రీ రిలీజ్లా కాకుండా ఒక కొత్త సినిమా రిలీజ్కి ఎలాంటి హడావిడి చేస్తారో అలాగే ఈ సినిమాకి కూడా చేయబోతున్నారు. ఈ సినిమాకి ప్రీ రిలీజ్ ఫంక్షన్ ఉంటుంది. రిలీజ్ ముందు ప్రభాస్తో, రాజమౌళితో ఇతర యూనిట్ మెంబర్స్తో ఇంటర్వ్యూలు ఉంటాయి. దీన్ని బట్టి ‘బాహుబలి ది ఎపిక్’ను ఒక రీ రిలీజ్ సినిమాగా కాకుండా ఫ్రెష్గా ఫీల్ అయ్యే ఒక కొత్త సినిమాగా ప్రేక్షకుల ముందుకు తీసుకురాబోతున్నారని అర్థమవుతోంది. ఇదిలా ఉంటే.. ‘బాహుబలి ది ఎపిక్’ చివరలో ‘బాహుబలి3’కి సంబంధించిన ఎనౌన్స్మెంట్ ఉంటుందని అంతా భావిస్తున్నారు. అంతేకాదు, ప్రమోషన్స్లోనే దాని ప్రస్తావన వస్తుందని కూడా అంటున్నారు. ఇప్పటివరకు రీ రిలీజ్ అయిన సినిమాలేవీ తెలుగులో తప్ప మరో భాషల్లో రిలీజ్ అవ్వలేదు. కానీ, ‘బాహుబలి ది ఎపిక్’ని మాత్రం అన్ని భాషల్లోనూ విడుదల చేయబోతున్నారు. రీ రిలీజ్లలో ఇది ఒక రికార్డుగా చెప్పుకోవచ్చు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
