'నేనొస్తా' అంటున్న హీరోయిన్
on Dec 28, 2016
ఈ మధ్య కాలంలో మంచి కథతో వస్తున్న చిన్న సినిమాలు ప్రేక్షకాదరణ దక్కించుకుని మంచి విజయాల్ని సాధిస్తున్న నేపథ్యంలో వస్తున్న మరొక చిన్న సినిమా ‘నేనొస్తా’ . రైజింగ్ డ్రీమ్స్ ప్రొడక్షన్ సమర్పణలో బాషా మజహర్ నిర్మాతగా జ్ఞాన్, సూర్య శ్రీనివాస్, ప్రియాంక పల్లవి ప్రధాన పాత్రల్లో పరంధ్ కళ్యాణ్ దర్శకత్వం వహించిన సినిమాలో జ్ఞాన్, సూర్య శ్రీనివాస్, ప్రియాంక పల్లవి ప్రధాన పాత్రలు చేస్తున్నారు. ఈ చిత్రం డిసెంబర్ 30న రిలీజ్ కానున్న సందర్బంగా హీరోయిన్ ప్రియాంక పల్లవితో జరిపిన ఇంటర్వ్యూ విశేషాలు మీకోసం..
ప్ర) మీకు ఈ సినిమా ఛాన్స్ ఎలా వచ్చింది ?
జ) లా గ్రాడ్యుయేషన్ పూర్తి చేసిన తర్వాత యాక్టింగ్ పైన ఉన్న ఇంట్రెస్ట్ తో సెంట్రల్ యూనివర్సిటీలో థియేటర్ ఆర్ట్స్ లో మాస్టర్స్ చేసి సత్యానంద్ గారి దగ్గర 3 నెలల కోర్స్ చేశాను. ఆ తర్వాత కొన్ని రోజులకు నా మొదటి సినిమా ‘క్రిమినల్ ప్రేమ కథలో హీరోయిన్ గా ఛాన్స్ వచ్చింది. ఆ తర్వాత నేనొస్తా సినిమాలో కీ రోల్ చేస్తున్న జ్ఞాన్ నాకు యూనివర్సిటీలో సీనియర్ అతని ద్వారా నాకు ఈ ఛాన్స్ దొరికింది.
ప్ర) హర్రర్ థ్రిల్లర్స్ సినిమాల్లో హీరోయిన్ కి స్కోప్ తక్కువుంటుంది. మీరెలా ఒప్పుకున్నారు ?
జ) ఈ కథ అలా లేదు. కథలో నాకు స్కోప్ తక్కువుంటుందని అసలు అనిపించలేదు. కథ వింటుంటే చాలా బాగా అనిపించి చేసి తీరాలి అనుకుని ఓకే చెప్పాను. ఈ మూవీలో ప్రతీ క్యారెక్టర్ ఫుల్ లెంగ్త్ ఇంపార్టెన్స్ ఉంటుంది.
ప్ర) ఇందులో మీ క్యారెక్టర్ ఎలా ఉంటుంది ?
జ) ఇందులో నా రోల్ ఈరోజుల్లో ఉండే అమ్మాయిలాగే బబ్లీగానే ఉంటుంది. ఇందులో నాకు, నా బాయ్ ఫ్రెండ్ కి చిన్న మనస్పర్ధ వలన బ్రేకప్ అవుతుంది. అక్కడి నుండి అసలు సినిమా మొదలవుతుంది.
ప్ర) సినిమా జర్నీ ఎలా అనిపించింది ?
జ) సినిమా ఇంత ఈజీగా అయిపోతుందని అనుకోలేదు. కానీ చాలా స్మూత్ గా సాగిపోయింది. డైరెక్టర్, క్రూ అందరూ చాలా సహనంగా ఉంటారు. ఈ బ్యానర్లో పని చేయడం ఒక ఫ్యామిలీతో చేసినట్టు అనిపించింది. ఆర్టిస్టులుగా మా ఫ్రీడమ్ మాకిచ్చారు.
ప్ర) డైరెక్టర్ తో వర్క్ చేయడం ఎలా అనిపించింది ?
జ) డైరెక్టర్ పరంధ్ కళ్యాణ్ తో పనిచేయడం చాలా గొప్పగా అనిపించింది. ప్రతి షాట్ చాలా క్లీన్ గా, ఆర్టిస్టిక్ గా తీశారు. మమ్మల్ని చాలా అందంగా చూపించారు. ఈ సినిమాలో ఒక షాట్ ని సూర్యోదయం సమయంలో పెద్ద కొండపైన మంచి చలిలో తీశారు. మేమందరం అలా చాలా ఎంజాయ్ చేస్తూ ప్రతీ రోజూ షూటింగ్ లో పాల్గొంటున్నాం.
ప్ర) మీ ఫ్యామిలీ బ్యాక్ గ్రౌండ్ ఏంటి ?
జ) మాది హైదరాబాదే. మా నాన్నగారికి స్కూల్స్, కాలేజెస్ ఉన్నాయి. నేను పక్కా హైదరాబాదీ గర్ల్.
ప్ర) తెలుగులో మీకు డ్రీమ్ రోల్ ఎమన్నా ఉందా ?
జ) నాకు పవన్ కళ్యాణ్, జూనియర్ ఎన్టీఆర్, మహేష్ బాబు అంటే చాలా ఇష్టం. వాళ్ళ నటన చూస్తూనే పెరిగా. హీరోయిన్లలో సమంత అంటే ఇష్టం. అ..ఆ సినిమాలో సమంత పాత్రలాంటివి చేయాలనుంది.
ప్ర) తెలుగమ్మాయిలు సినిమాలోకి రావడం తక్కువ. మీ ఫ్యామిలీ ఎలా సపోర్ట్ చేసింది ?
జ) నాకు ఇంట్లో ఎలాంటి రిస్ట్రిక్షన్స్ ఉండవు. ఏం కావాలో అదే చేయమంటారు. అసంతృప్తితో ఇంట్లో జీవితాంతం ఉండలేం కదా. అందుకే సపోర్ట్ చేశారు. ఇక గ్లామరస్ రోల్స్ విషయంలో నేను చాలా క్లారిటీతో ఉన్నాను. గ్లామరస్ రోల్స్ అనేది డైరెక్టర్ మనల్ని ఎలా చూపిస్తున్నారన్న దానిపై మీద ఆధారపడి ఉంటుంది.
ప్ర) ఈ సినిమాకి ఫ్యామిలీ నుండి వచ్చిన బెస్ట్ కాంప్లిమెంట్ ఏంటి ?
జ) ముందుగా ఈ సినిమా పోస్టర్ చూసి చాలా బాగుందన్నారు. టీజర్ కి కూడా అదే రెస్పాన్స్. అసలు పోస్టర్ చూసి అది నేనేనా అనుకుని నమ్మలేకపోయా. నా ఫ్రెండ్స్ అందరు కూడా సినిమా పేరు అయితే నీదే మరి అందులో ఉన్నది కూడా నువ్వేనా అని ఆశ్చర్యపోయారు.
ప్ర) సినిమా రిలీజ్ దగ్గరపడింది. ఎలా ఫీలవుతున్నారు ?
జ) నాకు వారం నుండి సరిగా నిద్ర పట్టడం లేదు. క్యాలెండర్ లో ఒక్కో రోజు గడుస్తుంటే టెన్షన్ గా ఉంటుంది. ఇక సినిమా రేపే అంటే ఇంకా టెన్షన్ గా ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
