పాన్ ఇండియా స్టార్ రెబల్ స్టార్ ప్రభాస్ క్రేజ్ గురించి ప్రత్యేకంగా చెప్పాల్సిన అవసరం లేదు. ఆయన సినిమా వస్తోందంటే చాలు బాక్సాఫీస్ రికార్డులు బద్దలు కావాల్సిందే. అయితే గత కొంతకాలంగా ప్రభాస్ తన సినిమాల విషయంలో ఒక వినూత్నమైన వ్యూహాన్ని ఫాలో అవుతున్నారు. ముఖ్యంగా మ్యూజిక్ డైరెక్టర్ల ఎంపికలో ఆయన తీసుకుంటున్న నిర్ణయాలు ఇప్పుడు టాలీవుడ్తో పాటు సౌత్ ఇండస్ట్రీలో హాట్ టాపిక్గా మారాయి.
సాధారణంగా ఒక స్టార్ హీరో సినిమా అంటే క్రేజీ కాంబినేషన్స్ కోసం ఇండస్ట్రీలో ఉండే టాప్ అండ్ స్టార్ మ్యూజిక్ డైరెక్టర్లను ఎంచుకుంటారు మేకర్స్. కానీ ప్రభాస్ మాత్రం స్టార్ ఇమేజ్ కంటే సబ్జెక్ట్కు న్యాయం చేసే ప్రతిభావంతులైన కంపోజర్లకే ఓటు వేస్తున్నారు. సంగీత దర్శకుల ఎంపికలో తన దర్శకులకు పూర్తి స్వేచ్ఛను ఇస్తూ, సరికొత్త టాలెంట్ను ప్రోత్సహించడంలో ప్రభాస్ను మించిన వారు లేరని ఇండస్ట్రీ వర్గాలు అంటున్నాయి.
రెబల్ స్టార్ గత చిత్రాలను గమనిస్తే ఈ విషయం స్పష్టంగా అర్థమవుతుంది. కేవలం 'ది రాజా సాబ్' చిత్రానికి మాత్రమే స్టార్ కంపోజర్ థమన్ సంగీతం అందిస్తుండగా.. మిగిలిన భారీ చిత్రాలన్నింటికీ విభిన్నమైన మ్యూజిక్ డైరెక్టర్లను ఎంపిక చేశారు. 'కల్కి 2898 AD' చిత్రానికి సంతోష్ నారాయణన్, 'సలార్' కోసం రవి బస్రూర్, 'రాధేశ్యామ్' కోసం జస్టిన్ ప్రభాకరన్, 'సాహో'కు జిబ్రాన్ వంటి టాలెంటెడ్ కంపోజర్లతో వర్క్ చేసి డిఫరెంట్ మ్యూజిక్ను ఆడియన్స్కు అందించారు.
ఇదే ట్రెండ్ను తన అప్కమింగ్ ప్రాజెక్ట్స్లోనూ కంటిన్యూ చేస్తున్నారు ప్రభాస్. హను రాఘవపూడి దర్శకత్వంలో తెరకెక్కుతున్న 'ఫౌజీ' (వర్కింగ్ టైటిల్) సినిమా కోసం 'సీతారామం' ఫేమ్ విశాల్ చంద్రశేఖర్ను ఎంపిక చేశారు. అలాగే సందీప్ రెడ్డి వంగా డైరెక్షన్లో రానున్న మోస్ట్ అవేటెడ్ మూవీ 'స్పిరిట్' కోసం 'యానిమల్' ఫేమ్ హర్షవర్ధన్ రామేశ్వర్ను కంటిన్యూ చేస్తున్నారు.
ఇక బాక్సాఫీస్ వద్ద సంచలనం సృష్టించిన 'కల్కి' సీక్వెల్ ‘కల్కి 2’ లో మ్యూజిక్ డైరెక్టర్ మారుతారంటూ సోషల్ మీడియాలో కొన్ని రూమర్స్ వచ్చాయి. అయితే ఇటీవల సంతోష్ నారాయణన్ పుట్టినరోజు సందర్భంగా వైజయంతీ మూవీస్ టీమ్ ఆయనకు విషెస్ చెబుతూ ‘వెల్కమ్ టు కల్కి 2’ అని ప్రకటించడంతో ఈ రూమర్స్కు ఫుల్ స్టాప్ పడింది. దీంతో సీక్వెల్కు కూడా సంతోష్ నారాయణన్ సంగీతం అందించడం ఖాయమైంది.
ప్రభాస్ తీసుకుంటున్న ఈ నిర్ణయాలపై సోషల్ మీడియాలో ఫ్యాన్స్ మరియు సినీ విశ్లేషకులు ప్రశంసలు కురిపిస్తున్నారు. స్టార్ డమ్ చూసుకోకుండా కథకు, దర్శకుడి విజన్కు ప్రాధాన్యత ఇవ్వడం వల్లే ప్రభాస్ సినిమాలు అంతర్జాతీయ స్థాయిలో మ్యూజికల్గా కూడా క్లిక్ అవుతున్నాయని నెటిజన్లు కామెంట్స్ చేస్తున్నారు. ఏదేమైనా కమర్షియల్ హంగుల కంటే కంటెంట్ నమ్మి అడుగులు వేస్తున్న రెబల్ స్టార్.. రాబోయే రోజుల్లో 'రాజా సాబ్', 'ఫౌజీ', 'స్పిరిట్', 'కల్కి 2' చిత్రాలతో ఎలాంటి సెన్సేషన్ క్రియేట్ చేస్తారో చూడాలి.
