పాన్ ఇండియా స్టార్ ప్రభాస్, డైరెక్టర్ హను రాఘవపూడి కాంబినేషన్‌లో వస్తున్న మోస్ట్ అవైటెడ్ మూవీ 'ఫౌజీ' నుంచి రెండు మైండ్ బ్లోయింగ్ మాస్ అప్‌డేట్స్ బయటకు వచ్చాయి. ఈ సినిమాలో 20 రోజుల పాటు నాన్-స్టాప్‌గా చిత్రీకరించిన ఒక భారీ అండర్‌వాటర్ యాక్షన్ సీక్వెన్స్‌తో పాటు.. నరసింహస్వామి థీమ్‌తో సాగే పవర్‌ఫుల్ డివోషనల్ ఫైట్ సీక్వెన్స్ ఉండబోతోందని సమాచారం.
ప్రభాస్ వరుస భారీ ప్రాజెక్టులతో బాక్సాఫీస్ దగ్గర దండయాత్ర చేస్తున్నారు. అందులోనూ హను రాఘవపూడి దర్శకత్వంలో తెరకెక్కుతున్న పిరియాడిక్ యాక్షన్ డ్రామా 'ఫౌజీ'పై అంచనాలు ఆకాశాన్ని తాకుతున్నాయి. తాజాగా ఈ సినిమా సంబంధించి రెండు మైండ్ బ్లోయింగ్ విషయాలు లీక్ అయ్యాయి.
ఈ సినిమాలో ఒక భారీ అండర్‌వాటర్ యాక్షన్ సీక్వెన్స్ ఉండబోతోందట. కేవలం ఒక్క యాక్షన్ సీన్ కోసమే చిత్రబృందం నాన్-స్టాప్‌గా ఏకంగా 20 రోజుల పాటు అండర్‌వాటర్ షూటింగ్ నిర్వహించిందంటే ఆలోచించండి.. ఆ సీన్ ఏ స్థాయిలో డిజైన్ చేసి ఉంటారో. బిగ్ స్క్రీన్ మీద ఈ అండర్‌వాటర్ ఫైట్ చూస్తున్నప్పుడు థియేటర్లు దద్దరిల్లిపోవడం ఖాయమంటున్నారు. ఇండియన్ స్క్రీన్ మీద ఇప్పటివరకు చూడని ఒక సరికొత్త విజువల్ ఫీస్ట్‌ను హను రాఘవపూడి ప్లాన్ చేశారట.
ఇక ఈ సినిమాలో నరసింహస్వామి థీమ్ చుట్టూ సాగే ఒక హెవీ డివోషనల్ అండ్ ఎమోషనల్ ఫైట్ సీక్వెన్స్ ఉంటుందట. హెవీ బ్లడ్, పీక్స్ ఎమోషన్‌తో సాగే ఈ ఫైట్ సీక్వెన్స్ సినిమాకే మేజర్ హైలైట్‌గా నిలవనుందట. లార్డ్ నరసింహ అవతార్‌ను గుర్తుచేసేలా, రౌద్రంతో నిండిన ఉగ్రరూపంలో ప్రభాస్ చేసే ఆ విధ్వంసం థియేటర్లలో ప్రేక్షకులను సీట్లలో కూర్చోనివ్వదని అంటున్నారు.
ఇంకో ఆసక్తికరమైన విషయం ఏంటంటే.. ఈ ఒక్క మాసివ్ డివోషనల్ యాక్షన్ సీక్వెన్స్ కోసం ఏకంగా ముగ్గురు టాప్ యాక్షన్ కొరియోగ్రాఫర్లు పని చేశారట. ఈ ముగ్గురు ఫైట్ మాస్టర్స్ కలిసి ప్రభాస్ మాస్ ఇమేజ్‌కి, నరసింహస్వామి థీమ్ ఉగ్రత్వానికి పర్ఫెక్ట్‌గా సరిపోయేలా ప్రతీ ఫ్రేమ్‌ను చాలా కేర్‌ఫుల్‌గా, హై-వోల్టేజ్ యాక్షన్ కాంబినేషన్‌గా డిజైన్ చేశారని సమాచారం.
ఒకవైపు 20 రోజుల పాటు తీసిన అండర్‌వాటర్ యాక్షన్.. ఇంకోవైపు ముగ్గురు ఫైట్ మాస్టర్స్ సంయుక్తంగా డిజైన్ చేసిన లార్డ్ నరసింహ థీమ్ డివోషనల్ మాస్ ఫైట్. ఈ రెండు సీన్లు చాలు 'ఫౌజీ' సినిమా స్థాయి ఏంటో చెప్పడానికి. హను రాఘవపూడి విజన్, డార్లింగ్ ప్రభాస్ కటౌట్ కలిసి బాక్సాఫీస్ దగ్గర ఎలాంటి విధ్వంసం సృష్టిస్తాయో ఊహించుకుంటేనే రోమాలు నిక్కబొడుచుకుంటున్నాయి.
Prabhas, Fauzi Movie, Hanu Raghavapudi
