గ్లోబల్ స్టార్ రామ్ చరణ్ హీరోగా, ఉప్పెన ఫేమ్ బుచ్చిబాబు సానా దర్శకత్వంలో అత్యంత ప్రతిష్టాత్మకంగా తెరకెక్కుతున్న పాన్-ఇండియా స్పోర్ట్స్ యాక్షన్ డ్రామా "పెద్ది". మైత్రీ మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ పతాకంపై వెంకట సతీష్ కిలారు నిర్మిస్తున్న ఈ చిత్రంపై అంచనాలు ఆకాశాన్ని తాకుతున్నాయి. ఇప్పటికే విడుదలైన టీజర్, పాటలు యూట్యూబ్‌లో సంచలనం సృష్టించగా, తాజాగా ఈ సినిమా నుండి విడుదలైన "హెల్లాల్లల్లో" ఫుల్ వీడియో సాంగ్ సోషల్ మీడియాను షేక్ చేస్తోంది. పక్కా నాటు మాస్, పండుగ వాతావరణంతో కూడిన ఈ సాంగ్ ప్రేక్షకులకు అదిరిపోయే విజువల్ ట్రీట్‌ను అందిస్తోంది.  

ఆస్కార్ అవార్డు గ్రహీత ఏఆర్ రెహమాన్ ఈ చిత్రానికి సంగీతాన్ని అందించడం విశేషం. సాధారణంగా క్లాసిక్, మెలోడీలకు కేరాఫ్ అడ్రస్‌గా నిలిచే రెహమాన్, ఈసారి "పెద్ది" చిత్రం కోసం పక్కా రూరల్ మాస్ బిట్స్‌ను సిద్ధం చేశారు. "హెల్లాల్లల్లో" పాటలో ఆయన అందించిన ఫోక్ డ్రమ్స్, రిథమ్స్ ప్రతి ఒక్కరినీ థియేటర్లలో స్టెప్పులేయించేలా ఉన్నాయి. 1980ల నాటి ఆంధ్రప్రదేశ్ గ్రామీణ నేపథ్యాన్ని ప్రతిబింబిస్తూ, పండుగ వాతావరణంలో సాగే ఈ వెర్సటైల్ మాస్ బీట్ వినేకొద్దీ లూప్‌లో పెట్టుకునేలా ఉందనడంలో ఎలాంటి సందేహం లేదు.  

ఈ వీడియో సాంగ్‌లో ప్రధాన ఆకర్షణ మెగా పవర్ స్టార్ రామ్ చరణ్ ఎనర్జీ మరియు సీనియర్ బ్యూటీ శృతి హాసన్ గ్లామర్. రామ్ చరణ్ తనదైన గ్రేస్, ఊరమాస్ స్టెప్పులతో స్క్రీన్‌పై రచ్చ లేపారు. చరణ్ మాస్ మేకోవర్ మరియు ఆయన డ్యాన్స్ మూమెంట్స్ అభిమానులకు పూనకాలు తెప్పిస్తున్నాయి. చరణ్ పక్కన శృతి హాసన్ తన అద్భుతమైన డ్యాన్స్ పర్ఫార్మెన్స్, గ్లామర్‌తో ప్రత్యేక ఆకర్షణగా నిలిచారు. వీరిద్దరి మధ్య ఉన్న మాస్ కెమిస్ట్రీ, కలర్‌ఫుల్ కాస్ట్యూమ్స్ మరియు పండుగ జాతర సెట్టింగ్స్ విజువల్‌గా ఈ పాటను నెక్స్ట్ లెవెల్‌కు తీసుకువెళ్లాయి. దర్శకుడు బుచ్చిబాబు సానా  ప్రతి ఫ్రేమ్‌ను ఎంతో గ్రాండ్‌గా, పల్లెటూరి సంబరాన్ని కళ్ళకు కట్టినట్లు స్క్రీన్‌పై ఆవిష్కరించారు.  

మొత్తంగా "హెల్లాల్లల్లో" వీడియో సాంగ్ "పెద్ది" సినిమాపై ఉన్న అంచనాలను రెట్టింపు చేసింది. రామ్ చరణ్ మాస్ అవతార్, శృతి హాసన్ స్క్రీన్ ప్రెజెన్స్, మరియు ఏఆర్ రెహమాన్ ఎనర్జిటిక్ మ్యూజిక్ కలగలిసి ఈ పాటను ఈ ఏడాదిలోనే బిగ్గెస్ట్ మాస్ యాంథమ్‌గా మార్చేశాయి. జాన్వీ కపూర్ కథానాయికగా, కన్నడ సూపర్ స్టార్ శివరాజ్ కుమార్, జగపతి బాబు కీలక పాత్రల్లో నటిస్తున్న ఈ చిత్రం జూన్ 4న ప్రపంచవ్యాప్తంగా థియేటర్లలో విడుదల కానుంది. ఈ "హెల్లాల్లల్లో" మాస్ జాతర థియేటర్లలో ఏ స్థాయి విధ్వంసం సృష్టిస్తుందో చూడాలి!