పవర్ స్టార్ తో బాలయ్య డైరెక్టర్
on Mar 6, 2016
పవర్ స్టార్ పవన్ కళ్యాణ్ నిర్ణయాలు చాలా సడెన్ గా, విచిత్రంగా ఉంటాయి. రీసెంట్ గా సర్దార్ గబ్బర్ సింగ్ చేస్తున్న ఆయన, త్వరలోనే ఇంకో డైరెక్టర్ తో సినిమాకు ఒప్పుకున్నారు. ఆ డైరెక్టర్ బాలకృష్ణతో లయన్ సినిమా తీసిన సత్యదేవా. కేవలం ఒకే ఒక్క సినిమా చేసి అది కూడా బిల్ యావరేజ్ గా ఆడిన డైరెక్టర్ కు పవన్ ఛాన్స్ ఇచ్చారేంటబ్బా అని ఆయన ఫ్యాన్స్ షాకవుతున్నారు. ఈ సినిమాకు నిర్మాతగా దాసరి నారాయణరావు వ్యవహరించనున్నారని సమాచారం.
గతంలోనే దాసరి తన నిర్మాణంలో, పవన్ సినిమా ఉంటుందని ప్రకటించారు. దాంతో సత్యదేవా తన కథతో దాసరిని మెప్పించారని, ఇద్దరూ ఇప్పుడు పవన్ కు కథ వినిపించడానికి ఎదురుచూస్తున్నారని అంటున్నారు. పవన్ సినిమాతో పాటు, బాలయ్య వందో సినిమాను కూడా తానే డైరెక్ట్ చేస్తానని ప్రకటించాడు సత్యదేవా. కానీ పవన్ తో సినిమా అంటే, అది పట్టాలెక్కేవరకూ ఓకే కానట్టే. గతంలో సంపత్ నందికి సర్దార్ గబ్బర్ సింగ్ డైరెక్షన్ ఛాన్స్ ఇచ్చినట్టే ఇచ్చి, దాన్ని మళ్లీ రవీంద్ర(బాబీ) కి ట్రాన్స్ ఫర్ చేశారు పవన్. మరిప్పుడు సత్యదేవాతో పవన్ సినిమా ట్రాక్ ఎక్కే అవకాశం ఎంత వరకూ ఉంటుందో చూడాలి..