మెగా పవర్ స్టార్ రామ్ చరణ్(Ram Charan)వన్ మాన్ షో స్పోర్ట్స్ యాక్షన్ డ్రామా ‘పెద్ది’మరికొన్ని గంటల్లో వరల్డ్ వైడ్ థియేటర్స్ లో ల్యాండ్ కానుంది. ఈ తరుణంలో మెగా అభిమానుల ఉత్సాహాన్ని రెట్టింపు చేస్తూ, జనసేన అధినేత, ఆంధ్రప్రదేశ్ డిప్యూటీ సీఎం, పవర్ స్టార్ పవన్ కళ్యాణ్(Pawan Kalyan)చరణ్ కోసం ఒక అద్భుతమైన సర్ప్రైజ్ ఇచ్చాడు. పవన్ కళ్యాణ్ క్రియేటివ్ వర్క్స్ అధికారిక ఎక్స్ అకౌంట్ నుంచి చరణ్‌ని  విష్ చేస్తూ రిలీజ్  చేసిన  ప్రత్యేక వీడియో ఇప్పుడు సోషల్ మీడియాని షేక్ చేస్తోంది. 

ఈ ప్రత్యేక వీడియోని కేవలం సాధారణ శుభాకాంక్షల రూపంలో కాకుండా, ఎంతో భావోద్వేగభరితంగా, కంటికి ఇంపైన దృశ్యమాలికలా మలిచారు. రామ్ చరణ్ కెరీర్‌లోని అద్భుతమైన మైలురాళ్లు, ఆయన సినీ ప్రయాణంలోని ఐకానిక్ సన్నివేశాలని ఈ వీడియోలో ఎంతో అందంగా మిళితం చేశారు. అన్నింటికంటే ముఖ్యంగా చరణ్ వ్యక్తిత్వాన్ని, ఆయన నిబద్ధతని ఆంజనేయస్వామి ప్రతిరూపంతో పోలుస్తూ సాగిన ఎడిటింగ్ అభిమానులని భావోద్వేగ  అనుభూతిని కలిగిస్తోంది. మెగా అభిమానులలో చాలామంది రామ్ చరణ్‌ను హనుమంతుడి అంశగా భావిస్తుంటారు; ఆయనలోని క్రమశిక్షణ, ధైర్యం, తెరపై కనిపించే విలక్షణమైన ఆహార్యం ఆంజనేయస్వామిని గుర్తు చేస్తాయని సోషల్ మీడియా వేదికగా వెల్లడి చేస్తుంటారు. ఈ బలమైన సెంటిమెంట్‌ని  ప్రతిబింబించేలా వీడియోలో చరణ్ పవర్‌ఫుల్ విజువల్స్‌కి  హనుమంతుని ప్రతీకలను, దైవికమైన ఎలిమెంట్స్‌  జోడించి నెక్స్ట్ లెవెల్‌కి తీసుకెళ్లారు.

Also read: Janhvi kapoor: పెద్ది అచ్చాయమ్మ పరిస్థితి ఏంటి.. దేవర పరువు నిలబడుతుందా!

అంతేకాకుండా, పవన్ కళ్యాణ్‌కి అత్యంత ఇష్టమైన తెలంగాణలోని ప్రసిద్ధ పుణ్యక్షేత్రమైన కొండగట్టు ఆంజనేయస్వామి దివ్య ఆశీస్సులు చరణ్‌కి, 'పెద్ది’ చిత్ర బృందానికి ఎల్లప్పుడూ ఉండాలని ఈ వీడియో ద్వారా ఆకాంక్షించారు.  "రామ్ చరణ్" అనే పేరులోనే దైవభక్తి, అపారమైన శక్తీ, శ్రీరాముని పాదాల చెంత శరణాగతి దాగి ఉన్నాయంటూ పవన్ కళ్యాణ్ క్రియేటివ్ వర్క్స్ రాసుకొచ్చిన క్యాప్షన్ ప్రతి ఒక్కరి హృదయాలని  తాకుతోంది.

 

  ?s=20