థియేటర్లలో యన్ టి ఆర్ మ్యారేజ్ లైవ్ ఇవ్వనున్నారని తెలిసింది. వివరాల్లోకి వెళితే యంగ్ టైగర్ యన్ టి ఆర్ మ్యారేజ్ నార్నే శ్రీనివాసరావు ఏకైక కుమార్తె లక్ష్మీ ప్రణీతతో మే నెల అయిదో తేదీన జరుగ నుంది. ఈ యన్ టి ఆర్ మ్యారేజ్ ని నార్నేశ్రీనివాస రావు తమ సొంతఛానల్ "స్టుడియో N" లో లైవ్ టెలికాస్ట్ చేయాలని సంకల్పించగా, అందుకు యన్ టి ఆర్ అభ్యంతరం తెలిపినట్లు ఫిలిం నగర్ వాసుల ద్వారా సమాచారం.

 

"స్టుడియో N" న్యూస్ ఛానల్ అనీ, అందులో కాకుండా ఏదైనా ఎంటర్ టైన్ మెంట్ ఛానల్లో అయితే ప్రజలందరికీ అందుబాటులో ఉండి, తన పెళ్ళి అందరూ చూసేందుకు వీలుగా ఉంటుందనే అభిప్రాయంతో యన్ టి ఆర్ ఉన్నట్లు సమాచారం. అది కూడా అల్లు అర్జున్ మ్యారేజ్ ని లైవ్ టెలికాస్ట్ చేసిన "మా" ఛానల్లో అయితే ఇంకా బాగుంటుందని యన్ టి ఆర్ అన్నాడని తెలిసింది. ఇదిలా ఉండగా యన్ టి ఆర్ మ్యారేజ్ ని థియేటర్లలో లైవ్ టెలికాస్ట్ చేయటానికి ప్రముఖ నిర్మాత చలసాని అశ్వనీదత్ సన్నాహాలు చేస్తున్నారట.

 

ఇలా థియేటర్లలో ఒక హీరో మ్యారేజ్ ని లైవ్ టెలికాస్ట్ ద్వారా ప్రదర్శించటం ఇదే మొదలు. యన్ టి ఆర్ మ్యారేజ్ ఇలా థియేటర్లలో లైవ్ టెలికాస్ట్ చేయటాన్ని టిక్కెట్లు పెట్టి చూపిస్తారో లేక అభిమానుల కోసం ఉచితంగా చూపించనున్నారో ఇంకా తెలియదు.