హైదరాబాద్ లో నాగచైతన్య మూవీ షూటింగ్ శరవేగంగా జరుగుతూందని సమాచారం. వివరాల్లోకి వెళితే కామాక్షీ కళా మూవీస్ పతాకంపై, యువ హీరో నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ ని దర్శకుడిగా పరిచయం చేస్తూ, ప్రముఖ నిర్మాత డి.శివప్రసాద రెడ్డి నిర్మిస్తున్న చిత్రం ఇటీవల బ్యాంకాక్ స్కెడ్యూల్ ని పూర్తి చేసుకుని ఇండియాకి తిరిగి వచ్చింది. ఇక్కడ హైదరాబాద్ లో ఈనాగచైతన్య మూవీ కోసం అన్నపూర్ణ స్టుడియో సెకెండ్ ఫ్లోర్ లో ఒక సెట్ వేశారు.

బ్యాంకాక్ లో తీయాల్సిన కొన్ని సీన్లను ఈ సెట్ లో చిత్రీకరిస్తారు. అక్కడే కాకుండా నాగచైతన్య మూవీ కోసం హైదరాబాద్ బంజారా హిల్స్ లోని రోడ్ నంబర్ 36 లో హీరో నాగచైతన్య, హీరోయిన్ కాజల్ అగర్వాల్ పైన కొన్ని సీన్లను చిత్రీకరించారు. ఈ చిత్రానికి ప్రముఖ రచయిత అబ్బూరి రవి మాటలు వ్రాస్తూండగా, వి.యస్.గుణశేఖర్ సినిమాటోగ్రఫీని నిర్వహిస్తున్నారు. ఈ చిత్రంలో ఒకరికి ఒకరు ఫేమ శ్రీరామ్, 143 సమీక్ష మరోజంటగా నటించటం విశేషం.