సర్దార్ ఆడియోకు నాగబాబు ఎందుకు అటెండ్ అవలేదు
on Mar 22, 2016
సర్దార్ ఆడియో ఫంక్షన్. చాలా కాలం తర్వాత అన్నదమ్ముల్ని కలిసి ఒకే స్టేజ్ పై చూడబోతున్నామని మెగా ఫ్యాన్స్ అందరూ ఫుల్ ఖుష్. కానీ మెగాబ్రదర్స్ అంటే నాగబాబు కూడా కలిస్తేనే పూర్తవుతారు. మరి సర్దార్ ఆడియోలో నాగబాబు ఎందుకు కనిపించలేదు. నాగబాబుకు పవన్ అంటే చాలా ఇష్టం. ఆరెంజ్ టైంలో పవన్ తన తరపున ఒక స్తంభంలా నిలబడి ఒడ్డెక్కించాడని కూడా నాగబాబు చాలా సార్లే చెప్పారు. మరి అంత ఇష్టమైన ఈ బ్రదర్స్ ఇద్దరూ కూడా స్టేజ్ మీద కలిస్తే ఎంత బాగుండేది అని అనుకోని మెగాఫ్యాన్ ఉండడు. మరి టవర్ స్టార్ ఎందుకు రాలేదు..? ఆయన్ను పిలవలేదా లేక ఆయనే రాలేదా..? చిరు బర్త్ డే వేడుకల్లో నాగబాబు ఫైరింగ్ దూరం పెంచిందా..? ఇదే ప్రశ్న అభిమానుల మదిలో ఉంది.
పైపెచ్చు మెగా కుర్ర హీరోలందరిదీ కూడా ఇదే పరిస్థితి. ఈ హీరోలందరూ తమ ఆడియో ఫంక్షన్లో ఒక్కసారైనా పవన్ ను తలచుకుంటారు. వాళ్లెవరూ ఆడియోకు అటెండ్ కాలేదు. వరుణ్ గానీ, ధరమ్ తేజ్ గానీ ఆడియో ఫంక్షన్ తర్వాత ట్విట్లర్లో ఆడియో గురించి ఒక్క ట్వీట్ కూడా చేయలేదు. అల్లు అర్జున్, అల్లు శిరీష్ సోషల్ నెట్ వర్కింగ్ సైట్స్ కూడా సేమ్ సిట్యువేషన్. మెగా కుర్రహీరోల్లో ఓన్లీ రామ్ చరణ్ మాత్రమే తన ఫేస్ బుక్ లో సర్దార్ ఆడియో ఫంక్షన్ గురించి పోస్ట్ చేశాడు. పవన్ అన్నట్టు, ప్రతీసారీ వాళ్ల ఫ్యామిలీ మధ్య అనుబంధాన్ని బయటికి ప్రూవ్ చేసుకోవాల్సి అవసరం లేదు. కానీ నాగబాబు వచ్చి ఉంటే, ఆడియో ఫంక్షన్ మరింత పరిపూర్ణమై ఉండేది కదా అనేది మెగాభిమానుల ఆశ అంతే.