Home

»

Latest News

ఈ రోజు ముళ్ళపూడి రమణగారి జయంతి

Jun 28, 2011 3:25PM

ఈ రోజు ముళ్ళపూడి రమణగారి జయంతి. మన తెలుగువారి ప్రతి ఇంట్లోనూ "జాఠర్ ఢమాల్" అనే ఒక బుడుగు ఉంటాడనీ, వాడు శీగాన పెసూనాంబకు లైన్ వేస్తాడనీ, సున్నితమైన సునిశిత హాస్యంతో తెలియజెప్పింది ముళ్ళపూడివారి కలం. ఆయన రాతకు బాపు గారి గీత తోడైనప్పుడు దాన్ని చదివిన వారిదే ఆనందం....చూసిన వారిదే సంతోషం. వీరిద్దరి కలయికలో చాలా సినిమాలు వచ్చాయి. "సెగెట్రీ...ఆకాశంలో ఏదో మర్డర్ జరిగినట్టు లేదూ....సూరీడు నెత్తుటి ముద్దలా లేడూ" అంటూ మర్డర్ల కాంట్రాక్టర్ "మడిసన్నాక కాస్తంత కలాపోసనుండాల" అంటూ చెప్పే డైలాగులకు ఆంధ్ర ప్రేక్షకలోకం నీరాజనాలు పట్టింది.

mullapudi venkata ramana

శ్రీరాముడంటే నటరత్న యన్.టి.రామారావునే తప్ప ఇంకెవరినీ ప్రేక్షకులు అంగీకరించని రోజుల్లో శోభన్ బాబుని శ్రీరాముడిగా, చంద్రకళను సీతా దేవిగా, నటసార్వభౌమ యస్.వి.రంగారావుని రావణాసురుడిగా పెట్టి వీళ్ళిద్దరూ తీసిన పౌరాణిక కళాఖండం "సంపూర్ణరామాయణం" చిత్రం ఒక సాహసమనే చెప్పాలి. ఆ సినిమాని ప్రేక్షకులు తమ గుండెల్లో దాచుకున్నారు. తండ్రి యన్.టి.ఆర్. నటించిన "రక్తసంబంధం" సినిమాతో సినీ రచయితగా తన జీవితాన్ని ప్రారభించిన ముళ్ళపూడి వెంకటరమణగారు ఆయన తనయుడు నందమూరి బాలకృష్ణ శ్రీరాముడిగా నటిస్తున్న "శ్రీరామరాజ్యం" సినిమాతో తన సినీ జీవిత ప్రస్థానానికి ముగింపు పలికారు. అందుకనే "శ్రీరామరాజ్యం" చిత్రాన్ని ముళ్ళపూడివారికే అంకితమిస్తున్నారు. తెలుగు భాష, సాహిత్యం బ్రతికున్నన్ని నాళ్ళూ ముళ్ళపూడివారికి చావు లేదు....రాదు. ఈ రోజు ముళ్ళపూడి వారి జయంతి సందర్భంగా ఆయనకు నివాళిగా ఈ చిన్న వ్యాసం.

google-ad-img

Customer Service

For support : teluguone.teluguone@gmail.com | For Queries : support@teluguone.com