'లింగి లింగి లింగిడి' అంటున్న శ్రీలీల!
on Sep 12, 2023
మలయాళ సూపర్ హిట్ 'నాయాట్టు'కి తెలుగు రీమేక్ గా తెరకెక్కుతోన్న చిత్రం 'కోట బొమ్మాళి పిఎస్'. GA2 పిక్చర్స్ బ్యానర్ లో రూపొందుతోన్న ఈ సినిమాకి నిర్మాతలుగా బన్నీ వాస్, విద్యా కొప్పినీడి వ్యవహరిస్తున్నారు. జోహార్, అర్జున ఫాల్గుణ వంటి చిత్రాలతో దర్శకుడిగా గుర్తింపునందుకున్న తేజ మార్ని ఈ సినిమాకి దర్శకత్వం వహిస్తున్నారు. శ్రీకాంత్ మేక ప్రధాన పాత్రలో నటిస్తున్న ఈ సినిమాలో వరలక్ష్మి శరత్కుమార్ ప్రత్యేక పాత్రలో నటిస్తోంది. రాహుల్ విజయ్, శివాని రాజశేఖర్ కీలక పాత్రలు పోషిస్తున్నారు. ఇప్పటికే విడుదలైన మోషన్ పోస్టర్ ఆకట్టుకుంది. ఇప్పుడు కోట బొమ్మాళి PS మ్యూజిక్ ప్రమోషన్లను ప్రారంభించారు మేకర్స్. తాజాగా యువ సంచలనం శ్రీలీల చేతుల మీదుగా మొదటి పాటను విడుదల చేశారు.
'లింగి లింగి లింగిడి' అంటూ సాగిన శ్రీకాకుళం జానపద పాటకు రేలారే ఫేమ్ పి.రఘు సాహిత్యం అందించడంతోపాటు స్వయంగా పాడిన తీరు అందర్నీ ఆకర్షిస్తుంది. ముకుందన్ పాటను కంపోజ్ చేయగా విజయ్ పోలకి అద్భుతమైన కొరియోగ్రఫీ అందించారు. కలర్ ఫుల్ సెట్లో రాహుల్ విజయ్, శివానితో కలిసి శ్రీకాంత్ చేసిన సింపుల్ డాన్స్ మూమెంట్స్ అందర్నీ ఆకట్టుకుంటున్నాయి. పాట విడుదల సమయంలో 'లింగి లింగి లింగిడి' అంటూ హమ్ చేస్తూ పాటను ఎంజాయ్ చేశారట శ్రీలీల. మరి డ్యాన్సింగ్ బ్యూటీ చేతుల మీదుగా విడుదలైన ఈ పాట రేంజ్ కి వెళ్తుందో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
