పండూరులో కింగ్ నాగార్జున సందడి..!
on Apr 21, 2016
కింగ్ నాగార్జున వరస విజయాలతో నటుడిగా, నిర్మాతగా ఊపుమీదున్నారు. తాజాగా మరో సారి నిర్మాతగా శ్రీకాంత్ తనయుడితో నిర్మలా కాన్వెంట్ ను రూపొందిస్తున్నారు. ఈ సినిమాలో ఆయన ప్రత్యేక పాత్ర పోషించడం విశేషం. సోగ్గాడే చిన్ని నాయనా హండ్రెడ్ డేస్ ఫంక్షన్లో పాల్గొన్నట్టు నాగ్ కనిపిస్తారట. హీరో హీరోయిన్ల మధ్య వచ్చే లవ్ స్టోరీ సక్సెస్ కావడం వెనుక ఆయన పాత్ర కూడా ఉంటుందట. ఈ షూటింగ్ నిమిత్తం నాగార్జున తూర్పుగోదావరిలోని పండూరుకు చేరుకున్నారు. ఇక్కడ నాగార్జునతో సోగ్గాడు దర్శకుడు కళ్యాణ్ కృష్ణ కీలక సన్నివేశాలు తెరకెక్కిస్తున్నారు. వీటితో పాటు, గ్రామంలో మెడికల్ క్యాంపును ఆయన ప్రారంభించారు. నాగార్జున వచ్చారని తెలిసి సమీప గ్రామాల ప్రజలు పండూరుకు చేరుకున్నారు. వైసీపీ నాయకుడు కురసాల కన్నబాబు నాగార్జునను రిసీవ్ చేసుకున్నారు. కాగా, త్వరలోనే రాఘవేంద్రరావుతో హాథీరాం బాబా కథను తెరకెక్కించబోతున్నారు కింగ్ నాగార్జున. ఆయన నిర్మిస్తున్న నిర్మలా కాన్వెంట్ లో హీరో శ్రీకాంత్ తనయుడు రోషన్ హీరోగా నటించడం విశేషం.