సరైనోడు బెనిఫిట్ షోలు క్యాన్సిల్..!
on Apr 21, 2016
సర్దార్ గబ్బర్ సింగ్ రికార్డ్ బెనిఫిట్ షోలు వేస్తే, సరైనోడు టీం కూడా అదే సూత్రాన్ని ఫాలో అయి, బెనిఫిట్ షోలను ఉపయోగించుకోవాలనుకంది. కానీ ఎదురుదెబ్బ తగిలింది. హైదరాబాద్ లో బ్రమరాంభ, అర్జున్, కోణార్క్, హైటెక్ థియేటర్లలో సరైనోడు బెనిఫిట్ షో లు వేయాలనుకున్నారు. కానీ సైబరాబాద్ పోలీస్ కమిషనర్ సివి ఆనంద్ మాత్రం ఈ షోస్ కు పర్మిషన్స్ లేవని చెబుతున్నారు. అంతే కాక, ఇకపై ఏ సినిమాకూ, సిటీలో బెనిఫిట్ షో లు అనుమతించే ప్రస్తక్తి లేదని ఆయన స్పష్టం చేశారు. దీంతో ప్రసాద్ మల్టీప్లెక్స్ లో పడే ఉదయం 8.45 షో హైదరాబాద్ లో అల్లు ఫ్యాన్స్ కు మొదటి షో కాబోతోంది. మరో పక్క బన్నీ, బెంగళూరులో తన సినిమా ప్రమోషన్ల జోరు పెంచాడు. బన్నీ కెరీర్లోనే, బిగ్గెస్ట్ రిలీజ్ గా సరైనోడు రికార్డ్ సృష్టించబోతోంది. బోయపాటి బన్నీ కాంబినేషన్ కావడంతో మొదటినుంచీ భారీ అంచనాలతో ఉన్న సరైనోడు, అభిమానుల అంచనాలు అందుకుంటుందో లేదో రేపు తేలిపోనుంది.