Home

»

Latest News

ఇక ఫ్రీగా ఓటీటీలో 'కేజీఎఫ్ 2'

Jun 3, 2022 11:05AM

 

య‌శ్ హీరోగా ప్ర‌శాంత్ నీల్ డైరెక్ట్ చేసిన 'కేజీఎఫ్ చాప్ట‌ర్ 2' మూవీని ఈరోజు నుంచి ఎలాంటి ఛార్జెస్ పే చేయాల్సిన అవసరం లేకుండానే అమెజాన్ ప్రైమ్ లో ఫ్రీగా చూడొచ్చు. ఈ మూవీకి థియేటర్స్ లో అద్భుతమైన రెస్పాన్స్ వచ్చింది. 2022లో అత్య‌ధిక క‌లెక్ష‌న్స్ రాబ‌ట్టిన సినిమాగా రికార్డుల్లోకి ఎక్కింది. అంతే కాదు, ఇండ‌స్ట్రీ హిట్స్‌లో 'దంగ‌ల్‌', 'బాహుబ‌లి 2' తర్వాత ప్లేస్‌లో నిలిచింది. రిలీజ్ ఐన అన్ని భాషల్లోనూ ఈ సినిమా మంచి ఆద‌ర‌ణ పొంద‌డం విశేషం. ఇక ఓటీటీలో ఇంత‌దాకా పే ప‌ర్ వ్యూ ప‌ద్ధ‌తిన అందుబాటులో ఉన్న ఈ మూవీని మ‌రింత మంది చూసే వీలు క‌ల్పించింది అమెజాన్ ప్రైమ్ వీడియో.

పే పర్ వ్యూ అనే కాన్సెప్ట్ ని తీసేసి అమెజాన్ ప్రైమ్ వినియోగదారులకు ఈ రోజు నుంచి ఫ్రీ గా ఈ మూవీని చూసే అవకాశం కల్పించింది. యష్ ప‌ర్ఫార్మెన్స్‌, యాక్షన్ ఈ మూవీకి హైలైట్. 'కేజీఎఫ్‌' ఎంత బిగ్ సక్సెసో దాన్ని మించి సీక్వెల్ పెద్ద‌ సక్సెస్ అయ్యింది. అమెజాన్ ప్రైమ్ ఈ చిత్రాన్ని ఓటిటిలో రిలీజ్ చేసేందుకుగాను రూ. 320 కోట్లు పెట్టి కొనుక్కుంది. నిజం చెప్పాలంటే ప్రశాంత్ నీల్ ఒక గ్రాండ్ సక్సెస్ ని తన ఖాతాలో వేసుకున్నట్లే.  2022 అతనికి బాగా కలిసివచ్చిందనే చెప్పొచ్చు. ఇక సంజయ్ దత్, రవీనా టాండన్ ఈ చిత్రానికి అదనపు ఆకర్షణగా నిలిచారు. ర‌వి బ‌స్రూర్ సంగీతం, భువ‌న్ గౌడ సినిమాటోగ్ర‌ఫీ సినిమాకు ఎస్సెట్‌గా నిలిచాయి.

google-ad-img

Customer Service

For support : teluguone.teluguone@gmail.com | For Queries : support@teluguone.com