ఓజి కలెక్షన్స్ రికార్డుని కాంతార చాప్టర్ 1 క్రాస్ చేయబోతుందా! దట్ ఈజ్ సినిమా
on Oct 4, 2025
పాన్ ఇండియా వ్యాప్తంగా రిలీజైన అన్ని ఏరియాల్లో 'కాంతార చాప్టర్ 1'(Kantara Chapter 1)తన హవాని కొనసాగిస్తు వస్తుంది. సెల్యులాయిడ్ పై ఒక కొత్త ప్రపంచం ప్రత్యక్షమవ్వడంతో పాటు, రిషబ్ శెట్టి(Rishab Shetty)వన్ మాన్ షో మెస్మరైజ్ చేస్తుండంతో ప్రేక్షకులు థియేటర్స్ కి పరుగులు తీస్తున్నారు. దీంతో అనేక ఏరియాల్లో చాప్టర్ 1 సరికొత్త రికార్డులు నెలకొల్పే దిశగా దూసుకెళ్తుంది.
ఈ చిత్రం మొదటి రోజు వరల్డ్ వైడ్ గా 90 కోట్ల రూపాయిల గ్రాస్ ని రాబట్టిన విషయం తెలిసిందే. అందుకు తగ్గట్టే రెండో రోజు 61 కోట్ల గ్రాస్ ని రాబట్టినట్టుగా వార్తలు వస్తున్నాయి. దీంతో రెండు రోజులకి రికార్డు స్థాయిలో 151 కోట్ల గ్రాస్ ని వసూలు చేసినట్లయింది. ఈ కలెక్షన్స్ తో సరికొత్త లెక్కలు తెరపైకి వస్తున్నాయి. ఫస్ట్ వీక్ కి సంబంధించి పవర్ స్టార్ పవన్ కళ్యాణ్(Pawan Kalyan)'ఓజి'(OG) కలెక్షన్స్ ని బీట్ చేసే అవకాశం ఉందని ట్రేడ్ వర్గాల వారు భావిస్తున్నారు. ఓజి పాన్ ఇండియా వ్యాప్తంగానే విడుదలయ్యింది. కానీ తెలుగు, ఓవర్ సీస్ లో తప్ప మిగతా ఏరియాల్లో కలెక్షన్స్ పరంగా పెద్దగా సంచలనాలు నమోదు చేసింది లేదు. తమిళ, కన్నడ, హిందీలో ఓపెనింగ్స్ ని భారీగా రాబట్టినా రన్నింగ్ లో తగ్గాయి.
కానీ ఇప్పుడు కాంతారా చాప్టర్ 2 హిందీలో రెండు రోజులకే 31 కోట్ల రూపాయిల నెట్ ని అందుకున్నట్టుగా తెలుస్తుంది. నైజాం ఏరియాలో కూడా మొదటి రోజు 3.8 కోట్ల షేర్ ని అందుకుంటే, రెండో రోజుకి 3.9 కోట్ల షేర్ ని రాబట్టింది. అన్ని ఏరియల్లోను ఇదే పరిస్థితి. దీంతో రోజు రోజుకి కలెక్షన్స్ పెంచుకుంటు ఉండటం, రెండు రోజులకే 151 కోట్ల గ్రాస్ ని రాబట్టడంతో, ఓజి ఫస్ట్ వీక్ కల్లెక్షన్స్ ని దాటుతుందనే చర్చ ఇండియన్ సినీ సర్కిల్స్ లో జరుగుతుంది. ఓజి మొదటి వారం వరల్డ్ వైడ్ గా 257 కోట్ల రూపాయిల దాకా రాబట్టింది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
