నటనకి సంబంధించి ఎన్ని రకాల వేరియేషన్స్ ఉంటాయో, అన్ని రకాల వేరియేషన్స్ లోను సత్తా చాటగల అద్భుతమైన నటుడు ఫహాద్ ఫాజిల్ . తన సరికొత్త చిత్రం 'డోంట్ ట్రబుల్ ది ట్రబుల్'.  సంబంధించిన బిగ్ అప్‌డేట్ తాజాగా వెలువడి సినీ సర్కిల్స్ లో   భారీ సంచలనం సృష్టిస్తోంది. 

ఈ సందర్భంగా ఫహాద్ ఫాజిల్ మాట్లాడుతూ తెలుగులో ఇంత రెస్పాన్స్ వస్తుందని అసలు ఊహించలేదని చెప్పుకొచ్చాడు. దీంతో తెలుగు సినిమా ప్రేమికులు సోషల్ మీడియా వేదికగా స్పందిస్తు' తెలుగు ప్రేక్షకుల స్పెషాలిటీ ఇదే. నటన విషయంలో పరభాషా అనే విషయాన్నీ చూడరు. నచ్చితే నెత్తిన పెట్టుకుంటారు. రాబోయే రోజుల్లో మీకు అభిమాన సంఘాలు ఏర్పడినా ఆశ్చర్యం లేదని అంటున్నారు.

ట్రైలర్‌కి  విశేషమైన ప్రధాన ఆకర్షణగా నిలిచింది నటసింహం నందమూరి బాలకృష్ణ వాయిస్ ఓవర్. ట్రైలర్ ప్రారంభంలోనే "ఊరిలో ఒక నక్క ఉండేది.. దానికి రెండు విషయాలు చాలా బాగా తెలుసు.. ఒకటి డబ్బులు, రెండోది ట్రబుల్" అంటూ బాలకృష్ణ చెప్పిన గంభీరమైన డైలాగ్స్ ప్రేక్షకులను కథలోకి క్షణాల్లో తీసుకెళ్తున్నాయి. ఎక్కడ డబ్బులున్నా అది వాసనతో పసిగట్టేసేదని, ఎక్కడ ట్రబుల్ ఉన్నా తప్పించుకుని పారిపోయేదని, అయితే ఒకరోజు ఆ నక్కకు డబ్బులు మరియు ట్రబుల్ ఒకేసారి ఎదురయ్యాయని వివరిస్తూ సాగే ఈ వాయిస్ ఓవర్, కథలో ఉన్న థ్రిల్ మరియు ఫాంటసీ ఎలిమెంట్స్‌ను ఎంతో ఆసక్తికరంగా పరిచయం చేసింది.

శశాంక్ యేలేటి అత్యంత ప్రతిభావంతంగా దర్శకత్వం వహించిన ఈ చిత్రాన్ని బాహుబలి వంటి విశ్వవ్యాప్త విజయాన్ని అందించిన ప్రతిష్టాత్మక నిర్మాణ సంస్థ ఆర్కా మీడియా వర్క్స్ నిర్మిస్తోంది. దీనితో పాటు ఎస్.ఎస్. రాజమౌళి కుమారుడు ఎస్.ఎస్. కార్తికేయకు చెందిన 'షోయింగ్ బిజినెస్' బ్యానర్ కూడా ఈ ప్రాజెక్ట్‌లో సంయుక్తంగా భాగస్వామిగా వ్యవహరిస్తోంది. దిగ్గజ దర్శకుడు ఎస్.ఎస్. రాజమౌళి స్వయంగా ఈ సినిమాను సమర్పిస్తుండటం వల్ల దేశవ్యాప్తంగా సినీ వర్గాల్లో అత్యంత ప్రాధాన్యత ఏర్పడింది. సంగీత దర్శకుడు కాలభైరవ అందించిన స్వరాలు, ఆకట్టుకునే బ్యాక్‌గ్రౌండ్ స్కోర్ ట్రైలర్‌లోని విజువల్స్‌కు ప్రాణం పోశాయి. కథ విషయానికి వస్తే, సూరి అనే పాత్రలో ఫహాద్ ఫాజిల్ తనదైన కామిక్ టైమింగ్, ముఖ కవళికలతో అద్భుతంగా నటించి మెప్పించారు. విచిత్రమైన మాంత్రిక శక్తులున్న ఒక చిన్నారితో సూరి అనే సాధారణ వ్యక్తికి పరిచయం కావడం, ఆ పాప వల్ల అతని జీవితంలో ఎలాంటి మలుపులు తిరిగాయి, ఆ చిన్నారే అతని సమస్యల నుంచి ఎలా బయటపడేసిందనే ఆసక్తికరమైన కథాంశంతో ఈ ఫాంటసీ అడ్వెంచర్ కామెడీ సాగుతుంది. బాలనటి సారా పాలేకర్ తన ముద్దుముద్దు నటనతో, ఆకట్టుకునే హావభావాలతో ప్రేక్షకులను కట్టిపడేస్తోంది.

 

 

 

ఇది కూడా చదవండి: 'దూకుడు' కి 15 ఏళ్లు: కృష్ణ గారు చెప్పిన మాటలు నిజమయ్యాయి..శ్రీను వైట్ల ఎమోషనల్!

కేవలం కామెడీ మాత్రమే కాకుండా, ప్రేక్షకులను సీటు అంచున కూర్చోబెట్టేలా థ్రిల్లింగ్ సన్నివేశాలు, రంగులమయమైన విజువల్ గ్రాఫిక్స్ ట్రైలర్‌లో ప్రత్యేకంగా నిలిచాయి. గాంధీ జయంతి కానుకగా 2026, అక్టోబర్ 2న తెలుగు, తమిళం మరియు మలయాళ భాషల్లో ఈ చిత్రాన్ని ప్రపంచవ్యాప్తంగా థియేటర్లలో ఎంతో ఘనంగా విడుదల చేయడానికి సన్నాహాలు పూర్తి చేశారు. ఆర్కా మీడియా వర్క్స్ వంటి బడా నిర్మాణ సంస్థ, రాజమౌళి సమర్పణ, బాలకృష్ణ గంభీరమైన వాయిస్ ఓవర్, ఫహాద్ ఫాజిల్ మార్క్ నటన కలగలిసిన 'డోంట్ ట్రబుల్ ది ట్రబుల్' బాక్సాఫీస్ వద్ద సరికొత్త వండర్స్ సృష్టిస్తుందని సినీ విశ్లేషకులు ధీమా వ్యక్తం చేస్తున్నారు.

 

[Dont Trouble The Trouble Trailer Talk, Dont Trouble The Trouble,  Fahadh Faasil, Balakrishna Voice Over, Telugu Cinema, Telugu Cinema News, Tollywood, Tollywood News]