నాగచైతన్య ఆటోనగర్ సూర్య విశేషాలు చాలానే ఉన్నైని ఫిలిం నగర్ వర్గాల ద్వారా అందిన సమాచారం. వివరాల్లోకి వెళితే యువ హీరో నాగచైతన్య హీరోగా, దేవకట్టా దర్శకత్వంలో నిర్మించబడుతున్న చిత్రం "ఆటోనగర్ సూర్య". విజయవాడ రౌడీయిజం నేపథ్యంగా ఈ చిత్రం నిర్మించబడుతూందని వినికిడి. ఈ చిత్రంలో హీరో నాగచైతన్య సరసన అందాల కాజల్ అగర్వాల్ హీరోయిన్ గా నటిస్తూందని సమాచారం. ఈ చిత్రానికి దర్శకత్వం వహిస్తున్న దేవకట్టా గతంలో వెన్నెల, ప్రస్థానం చిత్రాలకు దర్శకత్వం వహించి మంచి టెక్నీషియన్ గా పేరుతెచ్చుకున్నారు.
ఈ చిత్రానికి యువ సంగీత దర్శకులు అనూప్ రూబెన్స్ సంగీతాన్నందిస్తున్నారని ఫిలిం నగర్ లో అనుకుంటున్నారు. అనూప్ రూబెన్స్ ఇటీవల సంగీతం అందించిన "ప్రేమకావాలి" చిత్రం ఆడియో పెద్ద హిట్టయ్యింది. ఈ చిత్రం మే నెలలో విజయవాడ, గుంటూరు పరిసర ప్రాంతాల్లో చిత్రీకరణ జరుపుకుంటుందనీ, జూన్ నెల నుండీ హీరో నాగచైతన్య ఈ చిత్రమ షూటింగ్ లో పాల్గొంటారని తెలిసింది. ప్రస్తుతం నాగచైతన్య, కాజల్ అగర్వాల్ ఇదరూ కలసి కామాక్షీ కళా మూవీస్ పతాకంపై, అజయ్ భూయాన్ దర్శకత్వంలో, డి.శివప్రసాద రెడ్డి నిర్మించే చిత్రంలో జంటగా నటిస్తున్నారు. ప్రస్తుతం ఈ చిత్రం షుటింగ్ బ్యాంకాక్ నగరంలో జరుగుతూంది.
