వైజాగ్ లో అల్లు అర్జున్ భారీ బిజినెస్!

టాలీవుడ్ కి చెందిన పలువురు స్టార్స్ వ్యాపార రంగంలోనూ రాణిస్తున్నారు. వారిలో ఐకాన్ స్టార్ అల్లు అర్జున్ ఒకరు. మల్టీప్లెక్స్ బిజినెస్ లో అల్లు అర్జున్ రాణిస్తున్న సంగతి తెలిసిందే. ఏషియన్ సినిమాస్ తో కలిసి AAA సినిమాస్ ను హైదరాబాద్ లో స్థాపించి సక్సెస్ ఫుల్ గా రన్ చేస్తున్నారు. ఇప్పుడు ఈ AAA సినిమాస్ ను వైజాగ్ లోనూ ప్రారంభించబోతున్నారు.

విశాఖ ఇనార్బిట్ మాల్ లో AAA మల్టీప్లెక్స్ ను ఏర్పాటు చేస్తున్నారు. దీనికి సంబంధించిన పనులు బుధవారం ప్రారంభం కానున్నాయి. 8 స్క్రీన్ లు, 1500 సీటింగ్ కెపాసిటీతో ఈ మల్టీప్లెక్స్ ను ఏర్పాటు చేస్తున్నట్లు తెలుస్తోంది. వచ్చే ఏడాది వేసవి నుంచి వైజాగ్ AAA సినిమాస్ అందుబాటులోకి రానుందని సమాచారం.

సినిమాల విషయానికొస్తే.. పుష్ప-2 తో దేశవ్యాప్తంగా సంచలనం సృష్టించిన అల్లు అర్జున్.. ప్రస్తుతం అట్లీ దర్శకత్వంలో ఓ భారీ సైన్స్ ఫిక్షన్ ఫిల్మ్ చేస్తున్నాడు. ఈ సినిమా వచ్చే ఏడాది ప్రేక్షకుల ముందుకు రానుంది. వైజాగ్ ఫ్యాన్స్.. తమ హీరోకి చెందిన AAA మల్టీప్లెక్స్ లో.. ఆ మూవీని భారీగా సెలబ్రేట్ చేసే అవకాశముంది.

ఇదిలా ఉంటే.. వైజాగ్ AAA మల్టీప్లెక్స్ లో ఫస్ట్ ఏ మూవీ ప్రదర్శించబడుతుందనే ఆసక్తి కలుగుతోంది. ఈ మల్టీప్లెక్స్.. 2026 వేసవిలో ప్రారంభం కానుంది అంటున్నారు. 2026 మార్చిలో రామ్ చరణ్ 'పెద్ది', జూన్ లో ఎన్టీఆర్ 'డ్రాగన్' విడుదల కానున్నాయి. మరి ఈ రెండిట్లో ఏదైనా మూవీ.. ఆ ఫస్ట్ ఛాన్స్ ని దక్కించుకుంటుందేమో చూడాలి.