రామ్ చరణ్ సంచలన నిర్ణయం.. సుకుమార్ ని కాదని త్రివిక్రమ్ తో..!
on Jun 9, 2025
'ఆర్ఆర్ఆర్'తో గ్లోబల్ స్టార్ గా ఎదిగిన రామ్ చరణ్ (Ram Charan).. ఆ తర్వాత 'ఆచార్య', 'గేమ్ ఛేంజర్' సినిమాలతో నిరాశపరిచాడు. ప్రస్తుతం బుచ్చిబాబు దర్శకత్వంలో చేస్తున్న 'పెద్ది'తో అదిరిపోయే కమ్ బ్యాక్ ఇవ్వాలని చూస్తున్నాడు. ఈ చిత్రం 2026 మార్చి 27న ప్రేక్షకుల ముందుకు రానుంది. 'పెద్ది' తర్వాత సుకుమార్ డైరెక్షన్ లో ఓ సినిమా కమిటై ఉన్నాడు చరణ్. ఇది తన కెరీర్ లో 17వ సినిమా. అయితే ఇప్పుడు సుకుమార్ ప్లేస్ ని త్రివిక్రమ్ కబ్జా చేసినట్లు తెలుస్తోంది.
ఈ జనరేషన్ టాలీవుడ్ టాప్-6 స్టార్స్ లో రామ్ చరణ్, ప్రభాస్ తప్ప మిగతా వారితో త్రివిక్రమ్ సినిమాలు చేశాడు. రామ్ చరణ్ తో కూడా సినిమా చేయబోతున్నట్లు కొద్దిరోజులుగా వార్తలొస్తున్నాయి. త్వరలోనే అధికారిక ప్రకటన రానుందని అంటున్నారు. నిజానికి ఇది సుకుమార్ ప్రాజెక్ట్ తర్వాత ఉంటుందని అందరూ భావించారు. కానీ, అనూహ్యంగా సుకుమార్ సినిమా వెనక్కి వెళ్ళి.. త్రివిక్రమ్ మూవీ ముందుకు వచ్చిందని వినికిడి. RC17 కి త్రివిక్రమ్, RC18 కి సుకుమార్ దర్శకత్వం వహిస్తారట.
వాస్తవానికి త్రివిక్రమ్.. అల్లు అర్జున్ తో ఓ సినిమా చేయాల్సి ఉంది. కానీ, ముందుగా ప్రకటించిన త్రివిక్రమ్ సినిమాని కాకుండా.. అట్లీ ప్రాజెక్ట్ ని మొదలుపెట్టాడు బన్నీ. దాంతో త్రివిక్రమ్.. చరణ్ సినిమాని లైన్ లో పెట్టాడు.
చరణ్-త్రివిక్రమ్ కాంబో సెట్ కావడంతో.. అనూహ్యంగా సుకుమార్ ప్రాజెక్ట్ వెనక్కి వెళ్ళింది. అయితే సుకుమార్.. బాలీవుడ్ స్టార్ షారుఖ్ ఖాన్ తో ఓ సినిమా చేయనున్నారని వార్తలొస్తున్నాయి. RC17 తర్వాత ఇది ఉంటుందనే అభిప్రాయాలు మొదట వ్యక్తమయ్యాయి. కానీ, ఇప్పుడు త్రివిక్రమ్ సడెన్ ఎంట్రీ ఇవ్వడంతో.. షారుఖ్ సినిమాని పూర్తి చేసి, ఆ తర్వాత చరణ్ ప్రాజెక్ట్ పైకి సుకుమార్ షిఫ్ట్ అవుతారేమో అనిపిస్తోంది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
