స్టార్ మాలో మంచి రేటింగ్ తో పాటు కాంట్రవర్సీలకు కేరాఫ్ అడ్రస్ గా ఉన్న ‘నీతోనే డాన్స్’ షోకు విజయ్ దేవరకొండ వచ్చి సందడి చేయబోతున్నారు. ఇప్పటికీ రేస్ టు ఫినాలే పూర్తి చేసుకుని గ్రాండ్ ఫినాలేలోకి ఎంట్రీ ఇచ్చింది. దానికి సంబందించిన ప్రోమో రీసెంట్ గా రిలీజ్ అయింది. ఇక అందులో సెలబ్రెటీల పర్ఫామెన్స్ మామూలుగా లేవు. ఒకరితో ఒకరు గట్టిగానే తలపడ్డారు. స్టెప్పులతో స్టేజిని అదరగొట్టేశారు. మధ్యలో శ్రీముఖి కూడా వాళ్ళతో కలిసి ఎంటర్టైన్ చేసింది. ఖుషి మూవీ ప్రమోషన్స్ భాగంలో విజయ్ దేవరకొండ కూడా ఈ షోకి వచ్చి బాగా సందడి చేశాడు. ఎంట్రీతోనే ‘‘అది నా పిల్ల’’ అని డైలాగ్ వేస్తూ వచ్చి ఖుషి మూవీలో సాంగ్ కి డాన్స్ చేశాడు.

శ్రీముఖి అక్కడ పెర్ఫార్మ్ చేసిన సెలబ్రిటీలను తీసుకొచ్చి ఇందులో వీళ్లకు పెళ్లిళ్లయ్యి ఎన్నేళ్ళయిందో చెప్పమని అడిగింది. నటరాజ్ మాస్టర్ కు ఐదేళ్లు అయ్యింది అనడంతో వెంటనే మాస్టర్ అందుకుని 13 ఇయర్స్ అని చెప్పి షాక్ ఇచ్చాడు. ఇక "మీ పెళ్లి ఎప్పుడు" అని శ్రీముఖి విజయ్ ని అడిగేసరికి " అందరితో మాట్లాడుతున్నాను" అని విజయ్ చెప్పడంతో "అందరిని చేసుకోవడం కుదరదు కదా" అంటూ శ్రీముఖి పంచ్ వేసింది. ఇక ఇంట్లో వాళ్లు పెళ్లి చేసుకోమని అంటున్నారని, మా అమ్మ నాన్నకి మనవాళ్ళు, మనవరాళ్లు కావాలట అని తొందర పెడుతున్నారు అనేసరికి రాధ వారి సంతోషం కోసం చేసుకోవాలి కదా అని అన్నారు. అందుకే వాళ్లనే మళ్ళీ పెళ్లి చేసుకోమని చెప్పానని విజయ్ అనటంతో అక్కడ అందరూ నవ్వేశారు. ఇక జోడి కంటెస్టెంట్స్ చేసిన డాన్స్ లు మాములుగా లేవు. ఇరగదీసే డాన్సులు చేశారు. మరి ఎవరు టైటిల్ విన్ అవుతారో కొద్దీ రోజుల్లో తెలిసిపోతుంది.