స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ గురువారం నాటి ఎపిసోడ్ -790 లో.. మురుగన్ కి పాండియన్ కాల్ చేసి రిషి గురించి చెప్పగానే.. మీ లెక్చరర్ ఏం చెప్తాడో అది చెయ్యమని మురుగన్ అంటాడు. ఏంటి నాన్న మీరు ఆలా మాట్లాడుతున్నారని పాండియన్ అంటాడు. నా దగ్గరికి నిన్న వచ్చి వార్నింగ్ ఇచ్చి వెళ్ళాడని చెప్పి, మీరు లెక్చరర్ చెప్పింది చెయ్యండని మురుగన్ ఫోన్ కట్ చేస్తాడు. ఆ తర్వాత రిషికి బయపడిన కేడి బ్యాచ్ టేబుల్ మీద పడిన కలర్ వాటర్ ని క్లీన్ చేస్తూ షేమ్ గా ఫీల్ అవుతారు.

మరొకవైపు రిషి స్టాఫ్ రూమ్ కి వెళ్లగానే.. అందరూ లెక్చరర్లు రిషికి థాంక్స్ చెప్తారు. ఇన్ని రోజులు కేడి బ్యాచ్ చేసే అల్లరి భరించలేకపోయేవాళ్ళం. మీరు వచ్చాక మాకు దైర్యంగా ఉంది. వారికి బుద్ది చెప్తారు అనే నమ్మకం కలిగిందని అక్కడున్న లెక్చరర్లు రిషితో అంటారు. సర్ మీరు మాతో కలిసి ఈ రోజు లంచ్ చెయ్యాలని రిషి సర్ తో అనగానే.. రిషి దానికి ఒప్పుకొని లంచ్ చేయడానికి అందరు కూర్చుంటారు. అప్పుడే వసుధార వస్తుంది. అలా వచ్చి రిషి పక్కనే కూర్చుని ఉంటుంది. రిషి సర్ కి అందరం లంచ్ షేర్ చేస్తున్నాం.. నువ్వు కర్రీ వెయ్ అని మరొక లెక్చరర్ అంటుంది. అప్పుడు వసుధార వైపు రిషి కోపంగా చూస్తాడు. వసుధార ఇబ్బంది పడుతూనే రిషికి కర్రీ ఇస్తుంది. అది తీసుకోవడం ఇష్టం లేని రిషి.. కావాలనే కిందపడేస్తాడు. అది చూసిన వసుధార బాధపడుతుంది. మరొకవైపు రిషి సర్ చేసిన అవమానం తట్టుకోలేక పాండియన్ కోపంతో ఊగిపోతుంటాడు. ఎలాగైనా రిషికి కేడి బ్యాచ్ అంటే ఏంటో తెలిసేలా చెయ్యాలని అనుకుంటాడు.

ఆ తర్వాత రిషి హ్యాండ్ వాష్ చేసుకొని వస్తుంటే వసుధార ఎదురుగా వస్తుంది. వసుధారని చూసి కోపంగా రిషి.. ఎందుకు ఇలా నా వెంట పడుతున్నావని తిడతాడు. సర్ కావాలనే మీ పక్కన కూర్చొలేదు. మేడం వాళ్ళు కూర్చొమని చెప్తేనే కూర్చున్నానని వసుధార అంటుంది. అన్ని అబద్ధాలు చెప్తూ ఉంటావ్. ఇక మారవా ఇది నీ వ్యక్తిత్వమంటూ వసుధారపై రిషి కోప్పడుతాడు.. వసుధారతో రిషి మాట్లాడింది పాండియన్ వింటాడు. మరొకవైపు వసుధారని వెతుక్కుంటూ మహేంద్ర కాలేజీకి వస్తాడు.. మహేంద్రని చూసిన రిషి డాడ్ అని పిలుస్తాడు. మహేంద్ర ఒక్కసారిగా వెన్నక్కి చూడగానే.. రిషి కన్పించకుండా వేరే రూమ్ లోకి వెళ్తాడు.ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.