English | Telugu
బిగ్ బాస్ సీజన్ 5కి గ్లామరస్ న్యూస్ రీడర్!
Updated : Mar 17, 2021
టీవీ న్యూస్ రీడర్స్కి బిగ్బాస్ రియాలిటీ షో కేరాఫ్ అడ్రస్గా మారుతోంది. సీజన్ 2లో టీవీ9కి చెందిన దీప్తి నల్లమోతు కంటెస్టెంట్గా ఎంట్రీ ఇచ్చి గట్టి పోటీనిచ్చింది. ఆ తరువాత జకీర్ ఎంట్రీ ఇచ్చాడు. మధ్యలోనే వెళ్లిపోయాడు.. కత్తి మహేష్ కూడా ఇదే ఛానల్ నుంచి బిగ్ బాస్ హౌస్లోకి ఎంట్రీ ఇచ్చాడు. కానీ ఆశించిన స్థాయిలో రాణించలేకపోయాడు.
ఇదే ఛానల్ నుంచి ఎంట్రీ ఇచ్చింది దేవి నాగవల్లి. సీజన్ 4లో స్ట్రాంగ్గానే కనిపించినా పెద్దగా ప్రభావాన్ని చూపలేకపోయింది. ఇప్పుడు ఇదే ఛానల్ నుంచి మరో న్యూస్ రీడర్ బిగ్ బాస్ హౌస్లోకి ఎంట్రీ ఇవ్వబోతోంది. ఆమే ప్రత్యూష. గత కొన్నేళ్లుగా ఆమె టీవీ9లో న్యూస్ రీడర్గా పనిచేస్తోంది. జూన్లో ప్రారంభం కాబోతున్న సీజన్ 5 కోసం ఆమెని కంటెస్టెంట్గా ఫైనల్ చేసినట్టు తెలిసింది.
న్యూస్ రీడర్గా వుంటూనే పలు ఎంటర్టైన్మెంట్ ప్రోగ్రామ్లకు, సెలబ్రిటీల ఇంటర్వ్యూలకు యాంకర్గా వ్యవహరించిన ప్రత్యూషకు సెలబ్రిటీలతో మంచి పరిచయాలున్నాయి. సోషల్ మీడియాలోనూ తన గ్లామరస్ స్టిల్స్ను షేర్ చేస్తూ ఆకట్టుకుంటూ ఉంటుంది. అవే ఆమెని బిగ్ బాస్ సీజన్ 5కి ఎంపికయ్యేలా చేసినట్టు తెలుస్తోంది. అంతే కాకుండా ప్రతీ సీజన్కి టీవీ9 నుంచి ఎవరో ఒకరిని ఎంపిక చేస్తుండటం కూడా ప్రత్యూషకు కలిసివచ్చినట్టుగా చెబుతున్నారు.