బిగ్ బాస్ సీజన్-7 టైటిల్ కప్ కి మరికొన్ని రోజులే ఉండటంతో మరింత ఆసక్తికరంగా మారింది. హౌస్ లో ప్రస్తుతం ఆరుగురు కంటెస్టెంట్స్ ఉండగా వారి జర్నీ వీడియోలతో సర్ ప్రైజ్ చేస్తున్నాడు బిగ్ బాస్. రోజుకి ఇద్దరి జర్నీ వీడియోలతో ప్రేక్షకులకు మళ్లీ కంటెస్టెంట్ ఆటతీరు, మాటతీరుని చూపిస్తున్నాడు. మొన్న అమర్, అర్జున్ ల జర్నీ చూపించగా.. నిన్న శివాజీ, ప్రియాంకల జర్నీ చూపించాడు బిగ్ బాస్.

నిన్నటి ఎపిసోడ్ లో మొదట శివాజీని గార్డెన్ ఏరియాకి పిలిచాడు బిగ్ బాస్. అక్కడ తను హౌస్ లోకి వచ్చినప్పటి నుండి ఇప్పటివరకు జరిగిన జ్ఞాపకాలని గుర్తుచేస్తూ తీసిన ఫోటోలని చూసి మురిసిపోయాడు. ఇక ఆ తర్వాత యాక్టివిటి ఏరియాకి పిలిచి తన జర్నీ వీడియో చూపించాడు బిగ్ బాస్. ఇక ఈ జర్నీ చూస్తూ.. నా ఇరవై సంవత్సరాల సినిమా కెరీర్ ఒక ఎత్తు, లైఫ్ లో బిగ్ బాస్ ఒక ఎత్తు అని శివాజీ చెప్పాడు. శివాజీ.. మిమ్మల్ని ఒక వేలెత్తి చూపిస్తే మిగతా నాలుగు వేళ్ళు వాళ్ళ వైపే ఉండేలా చేయగల మాటకారి మీరు అని బిగ్ బాస్ చెప్తూ.. రాజుగారి పెద్ద పెళ్ళాం మంచిదంటే చిన్నపెళ్ళాం చెడ్డదని కాదని శివాజీ చెప్పిన మాటలని ప్లే చేసి చూపించాడు బిగ్ బాస్. మీ గాయం మిమ్మల్ని ఎంత వేధించిన ఓటమి వైపు చూడలేదు. మీ అబ్బాయి డాక్టర్ గా వచ్చినప్పుడు మీ బాధనంతా మర్చిపోయారని బిగ్ బాస్ చెప్తుండగా శివాజీ ఎమోషనల్ అయ్యాడు. సరైన సమయంలో సరైన పావులు కదిపి చాణక్యుడులా నిలిచాడని టాస్క్ లో శోభాశెట్టితో శివాజీ డిఫెండ్ చేసిన వీడియోని ప్లే చేశాడు బిగ్ బాస్. ఈ పూర్తి సీజన్ లో మీ మీద పైచేయి సాధించిన ఒకే ఒక విషయం ఏంటో తెలుసా.. కాఫీ. అలా చెప్పి శివాజీ కాఫీ కోసం పడే ఆవేదనని కళ్ళకి కట్టినట్టు చూపించాడు. కంటెస్టెంట్ గా మొదలై కన్ఫమేషన్ పొంది హౌస్ మేట్ అయ్యారు. మీ ఆటతీరే మిమ్మల్ని ఈ రోజు ఈ స్థానంలో నిలబెట్టిందని బిగ్ బాస్ చెప్పగా.. థాంక్స్ బిగ్ బాస్ అని శివాజీ చెప్పాడు.

పంజా సినిమాలోని " నీ చిరు చిరు చూపులే పంజా" పాటని ఏవీ చివరలో ప్లే చేసాడు. ఇది పవర్ ఫుల్ జర్నీగా బిగ్ బాస్ చరిత్రలో నిలిచిపోతుంది. శివాజీ బిగ్ బాస్ టైటిల్ విజేత అని దీన్ని బట్టే తెలుస్తుంది. బిగ్ బాస్ హౌస్ లో ఇప్పటికే శివాజీ తన ఫెయిర్ గేమ్ తో ప్రేక్షకుల మనసు గెలుచుకున్నాడు. హౌస్ లో ఏదైన టాస్క్ తర్వాత శివాజీ పక్కన ఎవరైన హౌస్ మేట్ ఉంటే.. వారిద్దరిలో ఏకాభిప్రాయంతో ఒకరిని సెలెక్ట్ చేయండి అని బిగ్ బాస్ చెప్తే.. మిగిలిన అందరు కలిసి శివాజీకే ఓట్ వేస్తారనేది అందరికి తెలిసిన నిజం. ఎందుకంటే శివాజీలో ఆటలో ఫౌల్, మాటల్లో నెగెటివ్ అంటు ఏమీ ఉండవు. అందుకే అతడిని శివాజీ.. ది బాస్ అంటు ప్రేక్షకులు కామెంట్లలో తెలుపుతున్నారు.