"అనగనగా ఆకాశం ఉంది" సాంగ్ తో ఎంతో పాపులరయ్యారు సాయికిరణ్. సింగర్ గా, యాక్టర్ గా రాణిస్తున్నారు..బుల్లితెర మీద ఎన్నో సీరియల్స్ లో నటిస్తన్నారు కూడా. అలాగే సోషల్ మీడియాలో సాయి కిరణ్ చేసే హడావిడి అంతా ఇంతా కాదు. సరదాగా ఉంటాడు ఎప్పుడూ. తన ఇన్స్టాగ్రామ్ పేజీలో పోస్ట్ చేసే రీల్స్ భలే ఫన్నీగా ఉంటాయి. రీసెంట్ గా అలాంటి ఒక ఫన్నీ రీల్ ని దేవుడి గురించే చెప్తూ పోస్ట్ చేసాడు. "ఓ ప్రియమైన దేవుడా...మీకొక సోషల్ మీడియా అకౌంట్ ఉంటే ఈ మెసేజ్ దయచేసి చూడండి..ప్లీజ్...నేను ఎప్పుడైనా లైఫ్ లో ఇంతకన్నా పెద్ద కష్టం ఏమొస్తుందిలే అన్నీ చూసేసాం అని అన్నానే అనుకోండి అది ఛాలెంజింగ్ గా తీసుకోవద్దు. ఎందుకంటే నేను మిమ్మల్ని ఛాలెంజ్ చేయడం లేదు. అదేదో ఫ్రస్ట్రేషన్ లో తెలీక బుద్ది గడ్డి తిని అన్నాను...ఎందుకు నా మాటల్ని ఛాలెంజ్ గా తీసేసుకుని స్ట్రెస్ లెవెల్స్ ఎందుకు పెంచేసుకుంటారు ...ప్లీజ్ నేను అలా అన్న మాటల్ని సీరియస్ గా తీసుకోవద్దు ... ఓకే నా సారీ" అన్నాడు సాయి కిరణ్.

దేవుడికి సోషల్ అకౌంట్ ఉందా అని సాయికిరణ్ అడిగేసరికి నెటిజన్స్ కూడా ఫన్నీ కామెంట్స్ చేస్తున్నారు.."సర్ ముందు దేవుడికి మంచి ఆపిల్ ఫోన్ కొనివ్వండి అంటే ఇంకో నెటిజన ఒక వేళ దేవుడు గనక సోషల్ మీడియా అకౌంట్ ఓపెన్ చేస్తేనా రెండు రోజుల్లో ఆయన ఫోన్ హ్యాక్ అవుతుంది స్టోరేజ్ ఫుల్ ఐపోతుంది. దేవుడికి సోషల్ మీడియా అకౌంటా..ఇదేదో బాగుందే..అడిగి మరీ ట్యాగ్ చేయొచ్చు. దేవుడికి సోషల్ మీడియా అకౌంట్ ఉంటే గుడికి వెళ్లడం మానేసి ఫ్రెండ్ రిక్వెస్ట్ పెడితే సరిపోతుంది." అంటూ కామెడీ కామెంట్స్ ని పోస్ట్ చేస్తున్నారు.