స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ బుధవారం నాటి ఎపిసోడ్ -819లో.. మన కాలేజీలో మిషన్ ఎడ్యుకేషన్ బాధ్యతలను రిషి, వసుధార ఇద్దరు చూసుకోవాలని మహేంద్ర, జగతి ఒక ప్రపోజల్ పెట్టారని విశ్వనాథ్ చెప్తాడు. దానికి మీరేమంటారని వసుధార, రిషి ఇద్దరిని అడుగుతాడు విశ్వనాథ్.

ఆ ప్రపోజల్ విన్న రిషి, వసుధార ఆశ్చర్యంగా చూస్తారు. నాకు ఒకే సర్ కానీ రిషి సర్ అభిప్రాయం కూడా కావాలి కదా అని వసుధార అనగానే.. నువ్వు ఏమంటావని రిషిని విశ్వనాథ్ అడుగుతాడు. వాళ్ళ కాలేజీ లెక్చరర్స్ ఉన్నారు కదా మన కాలేజీ వాళ్లే ఎందుకని రిషి అంటాడు. ఆ ప్రాజెక్ట్స్ చేసే అర్హతలు మీకు ఉన్నాయేమో అందుకే ఈ ప్రపోజల్ పెట్టారని విశ్వనాథ్ అంటాడు. నేను ఒకసారి ఆ ప్రపోజల్ తెచ్చిన వాళ్ళతో మాట్లాడిన తర్వాతే ఒక నిర్ణయం తీసుకుంటానని రిషి అంటాడు. ఆ తర్వాత వసుధార, రిషి, జగతి, మహేంద్ర అందరూ కలిసి మాట్లాడుకుంటారు. మళ్ళీ నా జీవితంలోకి ఎందుకు వచ్చారు. ప్రశాంతంగా ఉండడం ఇష్టం లేదా ఎలా ఉన్నాడో చూసి పోదామని వచ్చారా అని రిషి కోపంగా మాట్లాడతాడు. అది కాదు రిషి అని జగతి, మహేంద్ర చెప్పే ప్రయత్నం చేసినా రిషి వినిపించుకోడు. ఈ మోసగాడి దగ్గరికి ఎందుకు వచ్చారు. నేను మోసగాడినని అందరికి తెలిసేలా చేసి ఎందుకు వచ్చారంటూ రిషి ఆవేశపడుతాడు. రిషి నేను చేసింది తప్పు.. ఒప్పుకుంటున్నా నన్ను క్షమించు. నువ్వు లేక కాలేజీ ఉనికి లేదు. మిషన్ ఎడ్యుకేషన్ ఆగిపోయింది. మా కోసం కాదు పేద విద్యార్థుల కోసం.. నీ కల కోసమైనా ఈ బాధ్యతలు మళ్ళీ చేపట్టమని రిషితో జగతి అంటుంది. ఏం నిర్ణయం తీసుకోవాలి అన్న నాకు టైమ్ కావాలని చెప్పేసి రిషి వెళ్ళిపోతాడు.

ఆ తర్వాత రిషి సర్ ఇంకా పాత గాయం మర్చిపోలేదు. కానీ స్టూడెంట్స్ కోసం మిషన్ ఎడ్యుకేషన్ బాధ్యతలు చెప్పడతాడని వసుధార అంటుంది. వసు అని జగతి ఏదో మాట్లాడుతుండగా.. నాకు మీకు మధ్య ఏ బంధం లేదు. నాకు నా బంధం మీ వల్ల దూరం అయింది. మీకు మీ బంధం దూరం అయిందా? మా బంధం కలిసినప్పుడు మీ బంధం కలుస్తుంది. అప్పుడు మన బంధం కలుస్తుందని జగతితో వసుధార చెప్పేసి వెళ్ళిపోతుంది. ఆ తర్వాత ఇక వెళతామని విశ్వనాథ్ తో మహేంద్ర చెప్తాడు. లోపలికి వచ్చి పద జగతి వెళదామని మహేంద్ర అంటాడు. "లేదు మహేంద్ర.. రిషి దగ్గరే కొన్ని రోజులు ఉండాలని ఉంది" అని జగతి అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే .