స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ గురువారం నాటి ఎపిసోడ్ -856 లో.. వసుధార, ఏంజిల్ కలిసి రిషితో మాట్లాడతారు. ఏంజిల్ మిమ్మల్ని పెళ్లి చేసుకోవాలని అనుకుంటుంది, మీరేమంటారని రిషిని అడుగుతుంది వసుధార. అప్పుడు రిషి కోపంగా మాట్లాడతాడు. అయినా నా నిర్ణయం ఏంజిల్ కి చెప్పానని రిషి సమాధానం చెప్తాడు.

ఆ తర్వాత తను నా పర్సనల్ విషయంలో కలుగుజేసుకోవడమేంటి? నువ్వు అంటే నా ఫ్రెండ్ వి తనెవరు అని వసుధార గురించి రిషి అంటాడు. దాంతో ఏంజిల్.. తనకి నువ్వు తెలుసు కదా అందుకే అడిగిందని చెప్తుంది. ఆ తర్వాత రిషి కోపంగా వెళ్ళబోతుంటే.. చెయ్యి పట్టుకొని ఆపుతుంది వసుధార. మీరు ఏంజిల్ గురించి ఏదో ఒక క్లారిటీ ఇవ్వండని వసుధార అడుగుతుంది. నేను చెప్పాలిసింది ఎప్పుడో చెప్పానని రిషి అక్కడ నుండి వెళ్ళిపోతాడు. ఆ తర్వాత ఇంటికి వెళ్ళిన వసుధార.. ఏంజిల్ గురించి మాట్లాడినప్పుడు, రిషి కోపంగా మాట్లాడిన మాటలు గుర్తుచేసుకొని బాధపడుతుంది. మరొక వైపు రిషి కూడా ఏంజెల్ తరుపున వసుధార మాట్లాడుతుందని ఆలోచిస్తాడు. ఎలాగైనా ఈ విషయం విశ్వనాథ్ సర్ కి చెప్పి, ఏంజిల్ పెళ్లి గురించి మాట్లాడాలని రిషి అనుకొని విశ్వనాథ్ దగ్గరికి వెళ్తాడు. ఏంజిల్ పెళ్లి గురించి మీతో మాట్లాడాలని విశ్వనాథ్ తో రిషి చెప్తాడు. మీరు మీకు తెలిసిన వాళ్లలో ఏంజిల్ గురించి చెప్పి మంచి సంబంధం చూడండి, ఏంజిల్ ని అర్థం చేసుకునేవాళ్ళని చూడవచ్చు కదా అని విశ్వనాథ్ తో రిషి చెప్తాడు.

ఆ తర్వాత తన మనసులో ఎవరో ఉన్నారని చెప్పిందని, ఆ విషయం తనే చెప్తానందని రిషితో విశ్వనాథ్ అంటాడు. అప్పుడే ఏంజిల్ వచ్చి.. ఏం మాట్లాడుకుంటున్నారని అడుగుతుంది. నీ పెళ్లి గురించి, నీకు మంచి అబ్బాయిని చూసి పెళ్లి చెయ్యమని రిషి చెప్తున్నాడని విశ్వనాథ్ అనగానే.. రిషి పెళ్లి పెద్ద అయ్యాడా? నేను తర్వాత చెప్తానని విశ్వనాథ్ కి ఏంజిల్ చెప్తుంది. ఆ తర్వాత రిషితో మళ్ళీ తన ఇష్టం గురించి చెప్పాలని ప్రయతించిన రిషి.. తన మనసులో ఉన్న మాటని క్లారిటీ గా చెప్తాడు. మరొక వైపు కాలేజీలో వర్క్ చేసే వాళ్ళకి ఇంకా జీతాలు పడలేదని ఒక ఎంప్లాయి వచ్చి జగతి కి చెప్తాడు. జగతి మేనేజర్ ని పిలిచి మాట్లాడుతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.