స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ సోమవారం నాటి ఎపిసోడ్ -841లో.. ఏంజెల్ గురించి విశ్వనాథ్ ఆలోచిస్తుంటాడు. నేను లేకపోతే ఏంజెల్ ని ఎవరు చూసుకుంటారు.. ఇప్పుడు మీరు ఉన్నారు కాబట్టి ధైర్యంగా ఉంది. తనకు అంటూ ఒక తోడు ఉండాలి కదా అని వసుధార, రిషిలతో విశ్వనాథ్ అంటాడు.

ఏంజిల్ పెళ్లి చేసుకుంటే నాకు ఏ టెన్షన్ ఉండదు. నీకు నచ్చిన అబ్బాయి, అర్థం చేసుకొనే అబ్బాయిని వెతికి తీసుకొని వస్తాను. పెళ్లి చేసుకుంటావా అని ఏంజిల్ ని విశ్వనాథ్ అడుగుతాడు. ఏంజిల్ సైలెంట్ గా అక్కడ నుండి వెళ్ళిపోతుంది. ఆ తర్వాత విశ్వనాథ్ వసుధార, రిషి చేతులని తీసుకొని మీ ఇద్దరికి ఏంజిల్ బాధ్యతలు అప్పజెప్పుతున్నానని అంటాడు. మరొకవైపు వసుధార వాళ్ళ ఇంటికి వెళ్లి చక్రపాణికి విశ్వనాథ్ గురించి చెప్తుంది. మరొక వైపు రిషి కాలేజీకి వెళ్లి ప్రిన్సిపల్ సర్ తో మాట్లాడుతుండగా అప్పుడే ఇంకొక లెక్చరర్ వచ్చి.. ఒక పేపర్ తీసుకొని వచ్చి ప్రిన్సిపల్ కి ఇస్తుండగా రిషి ఆ పేపర్ తీసుకొని చదువుతాడు. పతనం దిశగా DBST కాలేజీ అనే టైటిల్ తో ఆ కాలేజీ గురించి నెగెటివ్ గా రాస్తారు. అది చూసిన రిషి ఒక్కసారిగా షాక్ అవుతాడు. బయట కూర్చొని పేపర్ ని చూస్తూ ఆలోచిస్తుంటాడు. ఒకప్పుడు ఎలా ఉన్న కాలేజీ ఎలా అయిపోయింది. ఇదంతా డాడ్ వాళ్లకి తెలుసా? డాడ్, జగతి మేడమ్ ఏం చేస్తున్నారని రిషి బాధపడుతాడు. అప్పుడే పాండియన్ అతని స్నేహితులు వచ్చి మిషన్ ఎడ్యుకేషన్ గురించి కొన్ని ప్లేసెస్ విజిట్ చేసి వచ్చామని వాళ్ళు చెప్పినా.. రిషి పట్టించుకోకుండా ఆలోచిస్తూనే ఉంటాడు. ఆ తర్వాత పాండియన్ పిలిచేసరికి వింటున్నా అంటూ ఏదో చెప్తుండగా.. అప్పుడే వసుధారని చూస్తాడు. వసుధారని చూసి ఏం చెప్పకుండా వెళ్ళిపోతాడు.

ఆ తర్వాత వాళ్ళు మిషన్ ఎడ్యుకేషన్ గురించి వసుధారతో మాట్లాడతారు. సర్ ఎందుకో ఈ పేపర్ చదివినప్పటి నుండి డల్ అయిపోయాడని చెప్పగానే.. వసుధార చూసి షాక్ అవుతుంది. మరొక వైపు పేపర్ లో DBST కాలేజీ గురించి నెగెటివ్ గా వచ్చింది జగతి, మహేంద్రలు చూసి బాధపడుతారు. ఈ పని శైలేంద్ర చేసాడని అనుకుంటారు. అప్పుడే శైలేంద్ర పేపర్ తీసుకొని వచ్చి.. ఏంటి ఇదంతా అని అందరూ నాకు ఫోన్ చేసి అడుగుతున్నారని అంటాడు. నువ్వు బోర్డు మెంబెర్ కాదు.. నిన్ను ఎందుకు అడుగుతారని మహేంద్ర అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.