ఈటీవీలో ప్రసారమవుతున్న 'సుమ అడ్డా' షోకి యాంకర్ గా సుమ చేస్తుందని అందరికీ తెలిసిన విషయమే. అయితే ఈ వారం జరిగిన ఎపిసోడ్ లో 'పులిమేక' వెబ్ సిరీస్ టీం సందడి చేశారు. ఈ సిరీస్ తాజాగా జీ5లో విడుదలై విశేష స్పందన పొందుతోంది. అయితే సిరీస్ టీం‌మ్ తాజాగా సుమ అడ్డా ఎపిసోడ్ లో గెస్ట్ లు గా వచ్చారు. అందులో హీరోయిన్ లావణ్య త్రిపాఠి, రచయిత కోన వెంకట్, సిరి హనుమంత్, రాజా చెంబోలు పాల్గొన్నారు. దీంతో ఈ షో ఆసక్తికరంగా సాగింది.

ఈ సిరీస్ లో నువ్వేం చేసావ్ సిరి అని సుమ అడుగగా.. యాక్టింగ్ చేసానని సిరి చెప్పింది.. పోనీలే సిరి ఇన్నాళ్ళకి నీకు యాక్టింగ్ చేయాలని అర్థం అయిందని సుమ పంచ్ వేసింది. సిరి నీకొక కొశ్చన్.. రిలేషన్ షిప్ ల వల్ల నువ్వు పాపులర్ అయ్యావా లేక యాక్ట్ చేయడం వల్ల పాపులర్ అయ్యావా? అని సుమ ప్రశ్నించగా.. రిలేషన్ షిప్ లో యాక్టింగ్ చేయడం వల్ల పాపులర్ అయ్యానని చెప్పింది. సిరివెన్నెల సీతారామశాస్త్రి గారి కొడుకని కాకుండా మీరంతట మీరు ఒక‌ గుర్తింపుని తెచ్చుకున్నారు కదా రాజా చెంబోలు గారు గ్రేట్ అని సుమ అభినందించింది. ఆ తర్వాత లావణ్య త్రిపాఠి వచ్చి.. 'మీరు ఎప్పటిలాగే బాగున్నారు.. గ్రేట్' అని సుమతో చెప్పగా.. అదేంటో రోజు రోజుకి నా అందం అలా పెరిగిపోతూ ఉంటుందని సుమ చెప్పింది. మీ నాన్న గారు లాయర్, అమ్మ టీచర్, చెల్లి డాక్టర్ మీరేంటి ఒక ఎడ్యుకేషనల్ ఇన్సిట్యూట్ రన్ చేస్తున్నారా అని సుమ అడిగేసరికి.. లావణ్య నవ్వేయగా.. ప్రేక్షకులు ఊ కొడుతూ ఫుల్ ఎంజాయ్ చేశారు.

ఆస్క్ మీ కొశ్చన్ రౌండ్ లో లావణ్య తప్పుగా సమాధానం చెప్పినందుకు గాను ఒక పనిష్మెంట్ ఇచ్చింది సుమ. అదేంటంటే లావణ్య ఒక వెడ్డింగ్స్ చేసే కంపెనీకి హెడ్ అని, తను మేడమ్ అసిస్టెంట్ అని సుమ స్టార్ట్ చేయగా.. పెళ్ళిచూపుల దగ్గర నుండి శ్రీమంతం వరకు మేడమే గ్యారంటీ అని సుమ చెప్తుంది.. వెంటనే డైవర్స్ గ్యారంటీ అని లావణ్య అంటుంది. దీంతో సుమ షాక్ అవుతుంది. ఆ తర్వాత కామన్ ఆడియన్స్ లో నుండి ఒక స్టూడెంట్ వచ్చి.. నాకు లావణ్య త్రిపాఠి లాంటి అమ్మాయి కావాలి అని అంటాడు. "లావణ్య లాంటి అమ్మాయంటే కన్యాశుల్కం ఇవ్వాలి" అని సుమ చెప్తుంది. దానికి అతను.. "నా ప్రాణాలే ఇస్తాను" అని చెప్తాడు. ఒకవేళ లావణ్య అలిగితే ఏం చేస్తావ్? అని సుమ అడుగుతుంది. ఒక‌ రొమాంటిక్ డేట్ కి తీసుకెళ్తానని చెప్పగా.. అలిగిందే నీకు రొమాన్స్ లేదనేరా అని సుమ పంచ్ వేసేస్తుంది. దీంతో షోలో నవ్వులు పూసాయి. ఇలా షో అంతా సుమ కామెడీ పంచ్ లతో వీక్షకులకు ఫుల్ మస్తీ ఎంటర్‌టైన్మెంట్ లభించింది.