బుల్లితెర కామెడీ షో 'జబర్దస్త్'కు మంచి ఫాలోయింగ్ ఉంది. ఈ షో చాలా మంది కమెడియన్లకు లైఫ్ ఇచ్చిందని చెప్పొచ్చు. ఇందులో కమెడియన్లుగా ఎంట్రీ ఇచ్చి ఇప్పుడు సినిమాలు, వెబ్ సిరీస్ లతో బిజీ అవుతున్నారు. ఈ షో ద్వారా గుర్తింపు తెచ్చుకున్న కమెడియన్ లలో కెవ్వు కార్తీక్ ఒకడు. టీమ్ మెంబర్ గా ఎంట్రీ ఇచ్చిన కెవ్వు కార్తీక్ టీమ్ లీడర్ స్థాయికి ఎదిగాడు. 

రీసెంట్ గా ఓ యూట్యూబ్ ఛానెల్ కి ఇంటర్వ్యూ ఇచ్చిన కార్తీక్.. ఆ ఇంటర్వ్యూలో కొన్ని ఆసక్తికర విషయాలను చెప్పుకొచ్చాడు. అవినాష్ తో కలిసి స్కిట్ లు చేసిన కెవ్వు కార్తీక్ కు స్క్రిప్ట్ రాసే టాలెంట్ కూడా ఉండడంతో అతడికి త్వరగానే మంచి గుర్తింపు లభించింది. తాను మొదట్లో 200 రూపాయలకు మిమిక్రీ చేసేవాడినని, ఇంజనీరింగ్ చదివిన తరువాత ఈవెంట్లు చేయడం మొదలుపెట్టాన‌ని కార్తీక్ చెప్పుకొచ్చాడు. 

వరంగల్ లో చేసిన ఓ ఈవెంట్ వలన తనకు క్రేజ్ పెరిగి అవకాశాలు రావడం మొదలయ్యాయని.. అలానే 'జబర్దస్త్' షోలో ఛాన్స్ వచ్చిందని తెలిపాడు. టీమ్ లీడర్ స్థాయికి చేరుకున్న తరువాత తన రెమ్యునరేషన్ లక్షల్లోకి చేరిందని చెప్పుకొచ్చాడు. అయితే ఎంత రెమ్యునరేషన్ తీసుకుంటున్నాడనే విషయం మాత్రం చెప్పలేదు. కానీ అందుతున్న సమాచారం ప్రకారం.. కార్తీక్ రెమ్యునరేషన్ ఒక ఎపిసోడ్‌కు రూ.2 లక్షలకు అటు ఇటుగా ఉంటుందని టాక్.