English | Telugu
ఆయన వచ్చేసారు...మరి మిగతా వాళ్ళు ఉన్నట్టా ? లేనట్టా ?
Updated : Feb 11, 2023
'ఇండియన్ ఐడల్ తెలుగు' సీజన్ 1 ఆహా ఓటిటి ప్లాట్ఫార్మ్ పై సూపర్ డూపర్ సక్సెస్ ని అందుకుంది. ఇప్పుడు సీజన్ 2 స్టార్ట్ చేయడానికి సన్నాహాలు చేస్తోంది ఆహా. ఎన్ని ఓటిటి వేదికలు ఉన్నా ఆహా స్పెషల్ అప్పియరెన్స్ తో కొత్త కొత్త షోస్ తో ఆడియన్స్ అలరించడానికి ఎప్పుడూ సిద్ధంగా ఉంటుంది. ఈ వేదిక మీద 'అన్ స్టాపబుల్' టాక్ షో హిట్ కొట్టింది. ఇక పనిలో పనిగా 'ఇండియన్ ఐడల్ తెలుగు' సీజన్ 2 షూటింగ్ పనులు మొదలయ్యాయి.
ఈ షూటింగ్ స్పాట్ లో మ్యూజిక్ డైరెక్టర్ తమన్ కనిపించడంతో ఆ ఫోటోలు సోషల్ మీడియాలో క్షణాల్లో వైరల్ అయ్యాయి. గ్రీన్ కలర్ జాకెట్ తో కలర్ ఫుల్ లుక్ లో కనిపించారు తమన్. ఫస్ట్ సీజన్ లో మ్యూజిక్ డైరెక్టర్ తమన్, సింగర్ కార్తీక్, నటి నిత్యామీనన్ జడ్జెస్ గా వ్యవహరించారు. నెక్స్ట్ సీజన్ కి ఈ ముగ్గురిలో ఒకరు ఆల్రెడీ కనిపించారు. మరి మిగతా ఇద్దరూ ఉంటారా..లేదా అనే విషయాలు మాత్రం ఇంకా రివీల్ కాలేదు. లాస్ట్ ఇయర్ జూన్ లో ముగిసిన సీజన్ 1 కి ఫైనల్ కి జయంత్, వాగ్దేవి, శ్రీనివాస్, వైష్ణవి, ప్రణతీ ఎంపిక కాగా వారిలో టాప్ వన్ గా వాగ్దేవి టైటిల్ గెలుచుకుంది. ఆ టైటిల్ ని మెగాస్టార్ చిరంజీవి చేతుల మీదుగా అందుకుంది.
ఇక సీజన్ 2 ఎలా ఉండబోతోంది, పాత వాళ్లంతా కంటిన్యూ అవుతారా..ప్రోగ్రాంలో ఎమన్నా మార్పులు చేర్పులు ఉంటాయా వంటి విషయాలు తెలియాలంటే కొంచెం వెయిట్ చేయాల్సిందే.