ఈటీవీలో దీవాలి స్పెషల్ ఈవెంట్ గా మళ్ళీ మళ్ళీ ఇది రాని రోజు అనే ఈవెంట్ రాబోతోంది. దీనికి సంబంధించిన ప్రోమోస్ ఒక్కొక్కటిగా రిలీజ్ అవుతున్నాయి.. రీసెంట్ గా ఇంకో ప్రోమో రిలీజ్ అయ్యింది. ఇందులో మంచి ఫన్నీ కంటెంట్ ఉందనే విషయం ఈ ప్రోమో చూస్తే తెలిసిపోతుంది. ఇందులో సుమని తన సుపుత్రుడు రోషన్ కనకాల ఇంటర్వ్యూ చేసాడు. "బబుల్ గం టీజర్ చూసాక మీ థాట్స్ ఏమిటి" అని రోషన్ సుమని అడిగేసరికి "నేను శంకరాభరణం సినిమాను విపరీతంగా ఇష్టపడ్డాను, అర్జున్ రెడ్డి మూవీని కూడా బాగా లైక్ చేసాను .." అని వెరైటీ ఆన్సర్ ఇచ్చేసరికి హైపర్ ఆది మధ్యలో వచ్చి "ఇంతకు మీ కొడుకు శంకరాభరణమా, అర్జున్ రెడ్డా ?" అని ఫన్నీగా అడిగాడు. "నా కొడుకు అర్జున్ రెడ్డే" అని గట్టిగ నవ్వుతూ చెప్పింది సుమ.

తర్వాత రఘు కుంచె స్టేజి మీదకు వచ్చి "నాది నక్కిలీసు గొలుసు" అనే సాంగ్ కి పాడి డాన్స్ చేసాడు. అలాగే మానస్, శ్రీ సత్య ఇద్దరూ బ్లాక్ డ్రెస్ లో వచ్చి "మన్మధ రాజా" సాంగ్ కి డాన్స్ ఇరగదీసారు. ఆ తర్వాత మంచు మనోజ్, శ్రీముఖి "ఏ" కంటెంట్ డైలాగ్స్ తో పిచ్చెక్కించారు ఆడియన్స్ ని. "ఆళ్లగడ్డ నుంచి బాంబులు పడతాయి"..."ఇంట్లో ఫ్రిజ్ ఉందా..ఫ్రిజ్ లో అవెక్కడ మామ..." అని మనోజ్ అడిగేసరికి "పండగ రోజు పూజలు ఉంటాయి కదండీ..అందుకే పక్కన పెట్టాం" అని శ్రీముఖి అనేసరికి "మా పూజే అదండీ" అంటూ చెప్పేసరికి సుమ ఎంట్రీ ఇచ్చి "ఇదే ఆటిట్యూడ్ తో వెళ్ళిపోతే సరిపోతుంది" అనేసరికి "అరేయ్ కార్ తియ్యరా వెళ్ళిపోదాం" అని వెళ్ళిపోయాడు మనోజ్.. ఇలా ఫన్నీ ఫన్నీ కంటెంట్ తో ఈ ఈవెంట్ రాబోతోంది.