కావ్య నువ్వేంటి ఇక్కడ.. ఏ నేను ఇక్కడ ఉండకూడదా.. ఎల్లోరా శిల్పాలు ఇక్కడ ఉండకూడదు కదా అనే డైలాగ్స్ ఇప్పుడు నెట్టింట వైరల్ గా మారాయి. బిగ్ బాస్ సీజన్-8 విన్నర్ నిఖిల్ లవర్ కావ్యశ్రీ గురించి ఇప్పుడు ఓ‌ న్యూస్ హాట్ టాపిక్ గా మారింది.

తాజాగా రిలీజ్ చేసిన దావత్ ప్రోమోలో‌ సుమతో పాటు రాజీవ్ కనకాల, సమీర్, హైపర్ ఆది ఇంకా కొంతమంది టీవీ యాక్టర్స్ వచ్చారు. ఇక ఇందులో కావ్యశ్రీ కూడా వచ్చింది. కావ్య ఓ సీరియల్ హీరోతో డ్యాన్స్ పెర్ఫామెన్స్ చేసింది. "హే రంగులే హే రంగులే" అనే పాటకి ఆ హీరోతో కలిసి రొమాంటిక్ పర్ఫామెన్స్ ఇచ్చింది. ఇది చూసి ప్రోమో కింద నిఖిల్ ఫ్యాన్స్ ఫైర్ అవుతున్నారు. నిఖిల్-కావ్యలను చూసిన కళ్లు ఇలా చూడలేకపోతున్నాయంటూ కామెంట్లు పెడుతున్నారు. అసలు ఆ హీరో ఎవడు? అంటూ కొశ్చన్ చేస్తున్నారు. అయితే ఆ హీరో ఈటీవీలో ప్రసారమవుతున్న 'గువ్వ గోరింక' సీరియల్ హీరో తేజస్ గౌడ (నందు). ఈ ధారావాహికలో కావ్య కూడా నటిస్తుంది. దీంతో వీళ్లిద్దరూ కలిసి ఇలా ఓ డ్యాన్స్ చేశారన్నమాట. నిజానికి గతంలో కూడా కావ్య.. ఈటీవీలో పలు షోలు చేసింది. కానీ అందులో నిఖిల్ కూడా వెంట వచ్చేవాడు. ఎప్పుడూ వీళ్లిద్దరే కలిసి పర్ఫామ్ చేసేవారు.. ఒకవేళ ఎవరైనా కావ్యతో కలిసి డ్యాన్స్ చేస్తానన్నా కూడా నిఖిల్ ఒప్పుకునేవాడు కాదు. అలాంటిది ఇప్పుడు కావ్య ఇలా వేరే వాళ్లతో పర్ఫామ్ చేసేసరికి నిఖిల్ ఫ్యాన్స్ ఫైర్ అవుతున్నారు.

బిగ్ బాస్ సీజన్-8 కి నిఖిల్ వెళ్ళేముందే వారికి బ్రేకప్ అయ్యింది. ‌అయితే హౌస్ లోకి వెళ్ళాక నిఖిల్ లవ్ ఫెయిల్యూర్ ముసుగులో ఉన్నాడని, తను కావాలనే అలా చేస్తాడని కావ్యశ్రీ చాలాసార్లు చెప్పింది. అయితే నిఖిల్ ఫ్యాన్స్ మాత్రం కావ్యశ్రీని‌ తిడుతూ కామెంట్లు పెట్టేవారు. బయటకొచ్చాక నిఖిల్ చేసే పనులకి కావ్యశ్రీకి అసలు సంబంధమే లేదు. కానీ కావ్యశ్రీ-నిఖిల్ ల మధ్య ఇంకా ప్రేమ ఉందని కొందరు నమ్ముతున్నారు కానీ ఈ ప్రోమో చూసాక వారి మనస్సు మార్చుకుంటారు. అంత రొమాంటిక్ గా వేరే అతడితో కావ్యశ్రీ డ్యాన్స్ చేసింది.‌ ఇది ఇప్పుడు నిఖిల్ ఫ్యాన్స్ తట్టుకోలేకపోతున్నారు.