స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2). ఈ సీరియల్ సోమవారం నాటి ఎపిసోడ్ -235 లో.. సంవత్సరానికి రెస్టారెంట్ పెట్టి బెస్ట్ రెస్టారెంట్ అవార్డు అందుకుంటానని శివన్నారాయణతో కార్తీక్ ఛాలెంజ్ చేసి.. కట్టుబట్టలతో బయటకి వస్తాడు. రోడ్డుపైన కార్తీక్ తన కుటుంబంతో నడుచుకుంటూ వెళ్తాడు. అది చూసి దీప బాధపడుతుంది. ఇలా చేసి ఉండకూడదు. అంత నా వళ్లే ఆ జ్యోత్స్న అన్నంత పని చేసిందని దీప బాధపడుతుంది.

ఆ తర్వాత కార్తీక్ వాళ్లు గుడికి వెళ్తారు. కడియం బాబాయ్ కి ఫోన్ చేస్తానని దీప అనగానే.. వద్దు ఇప్పుడు మన పరిస్థితి గురించి మొత్తం చెప్పాలి. అది బాగోదని కాంచన అంటుంది. అయితే మీ చెల్లికి చేయండి అని కార్తీక్ తో దీప అంటుంది. దాస్ అన్నయ్యకి చెయ్ అని కాంచన అంటుంది. దాంతో దాస్ కి కార్తీక్ ఫోన్ చేసి రమ్మంటాడు. ఆ తర్వాత దాస్, కాశీ, స్వప్నలు వస్తారు. వాళ్లకి జరిగింది మొత్తం చెప్తారు. మా ఇంటికి వెళదామని స్వప్న అనగానే.. వద్దని కార్తీక్ అంటాడు. ఏదైనా అద్దెకి ఇల్లు చూడండి అని దాస్ కి కాంచన చెప్తుంది. నాకు తెలిసిన వాళ్ళ ఇల్లు ఖాళీగా ఉందని దాస్ అంటాడు.

ఆ తర్వాత కాంచన వాళ్ళను సుమిత్ర తీసుకొని రండీ అని రిక్వెస్ట్ చేస్తుంది. వస్తే వద్దని అనను.. అలాగని నేను వెళ్లి రమ్మనను.. ఎవరు వెళ్లొద్దని శివన్నారాయణ‌ అంటాడు. ఆ తర్వాత ఇదంతా నీ వళ్లే అని జ్యోత్స్నని సుమిత్ర తిడుతుంది. మరొకవైపు దాస్ ఒక ఇంటికి తీసుకొని వస్తాడు. ఇదే మీరు ఉండబోయే ఇల్లు అని అంటాడు. అప్పుడే ఓనర్ వస్తాడు. రెంట్ ఇరవై వేలు.. మూడు నెలల అడ్వాన్స్ అని అంటాడు. ఆ తర్వాత దాస్ వాళ్ళని పంపిస్తాడు కార్తీక్. కాంచన వాళ్ళను లోపలికి వెళ్ళమంటాడు. మూడు నెలలు అడ్వాన్స్ అంటే కష్టం. ఈ ఫోన్ మీ దగ్గర ఉంచండి.. డబ్బులు ఇచ్చి తీసుకుంటానని ఓనర్ తో కార్తీక్ అంటాడు. అది దీప చూస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.